الموقف الحين الي تتوسطه رندا لاتحسد عليه !!!
سعود قاعد يتمادى ، وسعيد اخيرا اخيرا ، حس باللي يصير من وراه !!
حس سعيد ان عروق قلبه تغلي بالنار ،، صعب جدا انه يخدعه ويخونه اقرب المقربين له ؟؟؟
نزلت من سعيد كم دمعه ،، وكانت دموع غضب وحقد ،،، خبى دموعه بإصبعه واخذ نفس عميق وقال لرندا : ارجعي البيت حبيبتي انا راح اتصل بك بعد شوي ،،
رندا : عشان خاطري ياسعيد لا تبلي نفسك خلاص ،، تقدر ببساطه انك تمشيه وتعطيه اتعابه ،، عشان خاطري ياسعيد ،،
سعيد : رندا ؟؟؟ قلت لك ارجعي البيت ولا يكثر !!!!
مشت رندا البيت ودقات قلبها مثل القنابل ، ، الله يستر وش الي راح يصير بينهم !!
طااااالع سعيد في عيون سعود وقال له بقهر لا مثيل له : كيف تسمح لنفسك انك تناظر زوجه صديق عمرك ؟؟ انت ماتستحي ؟؟ ماعندك نخوة ولا رجوله ؟؟؟ يوم جيت تبي تطعن طعنت اعز رفيق لك ؟؟؟ خساره الصداقه والأمانه فيييك !!!!!
بعد برهة صمت من سعود رد وقال له : انا ياسعيد ماقصدت لها الأذى ... انا ........................... >>>> بهاللحظة سعيد ما اعطاه مجال للكلام ، ، ،
فوووورا ضررربه على وجهه لكمة قوووووية طرحته بالأرض ، وماكان يحس بنفسه وهو يقتل فيه من الضرب ترفيس على لكمات على كفوف ، كله على كله ،، ومافكه من سعيد الا الناس اللي كانوا بالطريق وشافوا المعركة !!
قام سعود من الأرض ووجهه مليان دم وقال له بقهر : انا احبها اكثر منك ،، مين انت لترتبط بوحده مثل رندا ؟؟ رندا مايستحقها الا شاب يحبها بصدق مثلي !!
هجم عليه سعيد وهو يقول له : ومصر على وساختك يا عديم الأصل ،، >>>>>> لكن الناس منعوه وخرّجوا سعود من المحل !!!
صرخ سعود بأعلى صوته للناس : انا احبها ياناس ،، والله اني ناوي اتزوجها ولا اناظر لها الا زووجه لي ! ، لكن اهلها مايعطون فقير ؟؟ وش ذنبي لأني فقير ؟؟ قولووووووووووووووووووا ؟؟؟ انا ماخنته وكنت محترمها وراح اظل احترمها ، لكن قلبي مو بيدي صدقوووني والله العظيم مو بيدي ؟؟؟
وبكي بقوة ومشي بيته ... والناااااس تطالع فيه ويتوتوتوون مع بعض !!
صاروا يتكلمون وشخص يقول لشخص لين وصلوا الموضوع لأبو رندا !!
وابو رندا هو الداهية بعينها ، هو القلب الأسود من جهة مواضيع مثل هذه ..... اتصل على سعيد وهو مصدووم : وش السالفه ؟؟؟ من هذا اللي انت ضربته قدام الناس ؟؟ صح انه تحرش برندا بنتي ؟؟؟
سعيد : يخسى الا هو يتحرش فيها وانا موجود ،، سعود خويي بالمحل وبالحياه تخيل ياعمي ؟؟ يقول لها اتركي سعيد وانا اتزوجك هاللي مايستحي ؟؟؟
سليمان : اللي مايستحي على وجهه ؟؟؟ والله لأنسيه حليب امه اللي جااابته ،، انت بس اعطيني عنوانه بسرعه وانا اؤدبه طول عمره !!
سعيد : ولايهمك ياعمي بس انا الحين بالعمل لا خلصت من دوامي امرك واعطيك العنوان ، ،
سليمان : مو تنسى !!!
سعيد : ابشر . . . .
=======
يوم اتصل سعيد على رندا صرخ عليها بكل قوته : ليش ماقلتي لي عن هالرذيل من اول ؟؟ ليش يارندا تخبين علي ؟؟؟ انا بكون زوجك بالمستقبل شلون اثق فيك بعد كذا ؟؟؟
صرخت رندا : وش تقصد شلون تثق فيني ؟؟؟ يعني انا ماني اهل ثقتك الحين ؟؟؟ كله هذا لأن نيتي ما اسبب مشاااكل بين صديقين ؟؟؟؟
سعيد : هذا مو صديق !! هذا عدو ؟؟ اللي يحط عينه على زوجته صديقه هذا مايخاف الله !!
رندا : ياسعيد للأمانه هو ما قل ادبه علي ، كل اللي قاله لي انه حبني بس انا بدون ما اجرحه فهمته كم مره اني مو له وان قلبي وكل ما املك لك انت بس !!
سعيد : يؤؤؤ يارندا ،، وكمااااااااااان بينكم حوارات ونقاشاااااات ، انتي خاااااينه بهالحااال وانا ومدري شلووون راح اثق فيك لو تزوجنا 
انصدمت رندا من عبارات سعيد القاسيه : انا خاينه ياسعيد صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ . . . اوووك لا تكلم الخونه ولا العديمين الثقة اووووك يله مع السلامه !!!!
صحي سعيد لنفسه بإنه جرحها في كرامتها وقال لها وهو يرقع الي سواه : رندا ,,, رندا انا اسف لاتقفلي ماقصدت ،، رندا ؟؟!!
رندا : مع السلامة .....................
سعيد بقهر : الله ياخذك ياسعوووود ،، والله لأقتلك !!
=======
بعد مامرت كم يوم على الي صار كان سعود في بيته يستعيد اللي صار ويبكي بقوووة مثل الطفل، خسر عمله وصديقه وحب حياته ، كان بس يبكي ويندب حظه
............. وآليوم ؟ . . [ ضآآع آلعمرُ] ، قـلـيّ من إيدلـه !
لآ تقـولي .. آبـكّ .. لآ زآركـ مـسى أطيـوفي " . .!
............ بـعـض آلـمـدآمـعَ : تـزوّد طينتـي ، بـلّـه . . .
وديّ آوآآآآدعـكّ . . وآحـسـمّ [ لحـظـة أوقـوفـي] ،!
لآ صـآر ( عطـرك ) .. عجز " لآ يـوآدع آكـفـونـيّ . . !
،، اتفاجأ ان الباب يدق بقوووة ،، قام وفتح الباب
4 رجااااال الواحد فيهم اطول واعرض من البااب واقفين ورا سليمان ابو رندا !!!
قال بخوف : عم ... عم سليمان ؟؟؟؟؟
ناظر سليمان فيه بحقد قوووي واشر للرجال اللي معاه براسه .. (( بإنه يلة !!! نفذوا المطلوووب !! ))
والا يتفاجأ سعود بهبوب اعصااااار قوي قوي جدا .. من اللكمات ، والضرب ، والترفيس بكل قوتهم لدرجه انه كسروا ذراعه وانفه والدم سااال من راسه و .................. شيء ماراح تتخيلوونه !!!
اقتلعوا له عينه اليسرى بحديدة كانت معاهم !!!!!!!!!!!!!!!!
نعم .. بكل قسوة قلعوا له عينه ورموها ع الأرض قدااااااامه !!
ماصدق سعود اللي شايفه !! وحده من عيوووونه قدامه في الأرض !!!!! من الصدمه صاااااااااااااح ومن ثم اغمى عليه !!
ناظر سليمان فيه بإحتقار وتفل فيه وهو مغمى عليه ع الأرض وقال لرجاله وهو حاط رجله على رقبته : يله .... خلصنا شغل .. مشينا !!
انتقاااام بشع وقوي من شخصيه متغطرسه مثل ابو رندا ،، ماقصد من الي سواه بسعود هو حمايه عرضه ولكن ، ، قصد ان يخلي سعود درس لكل اهالي الحاره ان بنات سليمان شيء مقدس والي يقرب منهم اقل مصير له هو الي صاار لسعود
بعد ساعه صحي سعود وشاف الحال المخيفه اللي هو فيها ،، شاف الأرض مليااااانه دم ووسطها عينه ، ايه عينه راااحت خلاص ... بكي وصرخ بقوته : آآآآآآآآآآآآآآه دمرووووني هالظالمين دمروووووووووني !!!!!!! ياحكم القوي اااااااااااه
وصار يبكي ويولول مثل الأرامل لين جو الجيران وشافوو حالته ..
- يووووو وش سالفه هالمسيكين ؟؟؟
- من اللي مسويه فيه كذا ؟؟؟؟
- ياويلي شووفوا عينه بالأرض !! مين الوحش اللي سوا فيه كذا
- ياشباب بدل ما تضيعون الوقت انقلوه المستشفى
- اطلبوا الإسعاف ياناس
- لاحول ولا قوة الا بالله
شالوه وهو يترنح وبين المغشي عليه والباكي ..... الي صار بسعووود ابشع انواع الوحشية 
========
في المستشفى وبعد ساعات صحي سعود من البنج الكامل اللي كان تحت تأثيره .. مد يده على عينه اليسرى .. وقبل مايلمسها خاطب نفسه : لالالالا ، انت قاعد تحلم ياسعود .. ترى عينك مافيها شيء ،،، عيونك الإثنين سليمة ومافيها الا العافيه .. ترى هذا اللي صار لي من سليمان ورجاله مجرد كابوس مو حقيقه ،، من صدمتي تخيلت انهم قلعوا لي عيني ،، لكن الي فيها مجرد كدمه فقط !!!!
ماكان كابوس للأسف .. بالفعل ،، الم شديد جدا يصدر من عينه اليسرى ..
بكل نبره بكاء حاده قال لنفسه : والله حقيقه مو واقع !! والله حراااام ليش يسوي فيني كذا !! ليش بس !! >>>>>>>>>>>> ويدخل في موجه بكاء قويه خلت الممرضات يجون ويعطونه ابره منومة ليرتاح..
وجا الضابط للدكتور وقال له : يادكتور ماقال لكم من الفاعل ؟؟؟
الدكتور : لا حضرة الضابط يقول واحد مايعرفه !!
بالحقيقه سعود شاب جريء ومايهمه احد .. كان منطق غريب انه مايفضح سليمان عند الشرطه .. فكان في براسه موال ماحد يعرفه بعد الله الا سعود نفسه ،، تبون تعرفونه تابعوا البارتات القادمه
========
ام وفاء : يابنتي روحي شوفي رندا طفشت وانا احاول معها تقول ايش فيها لها يومين تبكي ومو راضيه تاكل شيء !!
وفاء : تزاعلت هي وسعيد !!
الأم : ليش اللهم ياكافي !!
وفاء : مدري يمه مب راضيه تقول ليش وشالسالفه .. الحين اروح واحاول معها !!
باللحظة كانت رندا بغرفتها ماسكة المناديل اللي تمسح به دموعها .. وجت وفاء وجلست جمبها وقالت لها : رندا حبيبتي ماتبي تفضفضي لأختك حبيبتك ؟؟؟
رندا : وفاء لجل الله اتركيني بحالي همي كبير وللسما !!
وفاء : طيب تكلمي .. يمكن اقدر اساعدك ...
بعد برهة صمت قصيره تنهدت رندا بقوة وقالت : تعرفي سعود صديق سعيد صح ؟؟
وفاء : ايه اعرفه .. سوالك شيء ؟؟ اتذكر مره قلتي لي انه صارحك بحبه وانتي صديتيه !!
رندا : صحيح ! بس مو هذه المشكله !! المشكله ان سعيد سمعه وهو يكلمني بهالموضوع .. وطرده من المحل !!
وفاء : اوووف ؟؟ لاتقوووليها !! حرام هذا اكل عيشه .. الآدمي ماغلط عليك ولا قل ادبه هذه مشاعره وصرح بها !!
رندا : قلت كذا لسعيد تخيلي وش يقول لي ؟؟ يقول لي انتي خاينه لأنك ماقلتي ؟؟ شوفي ليش خلاني خاينه ؟؟ لأني ماحبيت افرق بين صديقين !!
وفاء : من يومه سعيد مثل ابوي بالتفكير !! حسبي الله ونعم الوكيل .. صح سعود غلط يوم اعترف لك كان المفروض يخبي بقلبه عشان هو داري انك منتي له .. لكن مو معناها نقطع بعيشه ونطرده ...
رندا : اللي مضايقني ان المحل هذا اللي يمتلكه سعيد مبني بشكل شبه كامل على جهود وتعب سعود واخرتها يطرده مثل الكلب !! كانت تمر ايام وسعيد هايت ويتمشى وسعود هو الي يبني بسمعه وجهد المحل لكن انطرد وانتهى كل شيء بالنسبه له وانا السبب !!!
وفاء : احمدي ربك يابنت جات ع طرده .. مافكرتي لو عرف ابوك وش كان سوا فيه !! كان قتله ...
مساكين رندا ووفاء .. ماكانوا يدروا باللي صاير لسعود من تحت راس ابوهم .. ولا يدرون ان سعود انسان حقود جدا وقلبه اسود ولو كره يخربها على نفسه وعلى الي حوله ..
وش نووووع انتقاام سعود من العم سليمان ومن سعووود ؟؟؟؟