مو مصدقه وفاء ان هالعلبه في سله المهملات بالغرفه الي تخصها وتخص اختها ؟؟؟ ( هالشيء هو اللغز في هروب اختي !!!! )
لـ مين هالعلبه ؟؟؟ معقول رندا اللي استخدمتها ؟ مستحيل !!!!
ورجعت قرت المكتوب فيها تبي تتأكد ( اختباأأأأأر حمل منزلي )
وش جاب اختبار الحمل المنزلي في غرفه بنتين ولا وحده فيهم متزوجه ، ليكون هالشيء هو سبب هروب رندا ؟؟ والي هو الحمل ؟؟؟
( لالا مستحيل مستحيل بقوة ؟ سعيد يلمسها قبل الزواج ؟ هذا المستحيل بعينه وعلمه ............... !!! رندا حااامل ؟؟ ) >> قالتها وهي تبكي بحرقه !! مين المسؤول ياترى ؟!
- وش سويتي فينا يارندا ؟؟؟ وش سووووووويتي بس !! والله العظيم ابوي لو شاف هالعلبه إلا يقتل امي ويقتلني معها ،
بسرعه مسكتها ورمتها في الزباله وحطت فوقها كم حاجه عشان لحد يشوفها !
======
ام غنى : ممكن نسولف شوي ؟؟
رندا : تفضلي ياخاله تحت امرك انا ..
ام غنى : ليش ماخليتي فايزة تساعدك ؟!
رندا : لا ياخاله انا ما ارتاح الا يوم ارتب اغراضي بنفسي !!
مررت لحظة صمت بينهم ، وبادرت ام غنى بسؤال مفاجئ :
- وش سالفتك رندا ..؟؟ احس من مظهرك ان وراك سالفه كبيره حيل !
رندا : .................
ام غنى : آسفة يابنتي لو احرجتك !!
رندا : لالا ياخاله اي احراج عادي ، دام اني في بيتك انا ملزمه ما اخبي عليك حاجه !
ام غنى : ماقصدت والله ، بس يمكن اقدر اساعدك في حل مشاكلك ،!
بقول لك سالفتي ان شاء الله لا رتبت اغراضي اوووك ؟؟؟
ام غنى : براحتك حبيبتي ، المهم رتبي اغراضك وتعالي المطبخ بنتعشى سوا وبسمع وش هي سالفتك ؟
رندا : تحت امرك ياخاله !!
طلعت ام غنى من الغرفه ورندا كل الوان الطيف تمر بوجهها ( وش اقول لها بس ؟؟ لو علمتها بسالفتي الحقيقيه راح تخبر ابوي بأي طريقه لتخلي مسؤوليتها . خلاص لقيتها ،، راح اخارج نفسي بكذبه الين القى لي مفر من هنا ، احس اني هنا مو بمرتاحه )
=======
بالمطبخ كانت رندا جالسه مع ام غنى وتتعشى وام غنى تراقبها وهي حزينه عليها .
طالعت رندا فيها وسألتها : خاله ؟ ورى ماتاكلين معي ؟
ام غنى : بالعافيه حبيبتي ، تعشيت من شوي !!
رندا : اممممم ، احس عيونك مليانه تساؤلات تجاهي ، خاله انا ابختصر لك !!
ام غنى : ياليت يابنتي احس بغموض حولك وانا ما احب اشغل احد عندي وما اعرف عنه كل شيء!!
رندا : اووك ابختصر لك ، انا هاااربه !!
استغربت ام غنى : هاربه من وشووووووو ؟؟؟؟؟
رندا : امممممممممممم ، انا هاربه !! ايه .................. انا هاربه من زوجي المتوحش !!
استغربت ام غنى ، وتابعت رندا . زوجي يضربني يوميا ، لسبب وبدون سبب ، اممم يجي سكران من بره ويبدأ يتسلى فيني بالضرب ...... و . وانا ، انا حرمه حامل وخايفه على جنيني !!
ام غنى : وبعد حامل ويضربك ؟؟؟؟ حسبي الله عليه بس الي مايخاف الله !!
رندا : عاد من هنا لين اولد ابرفع عليه قضية خلع وافك نفسي منه ، والحين ابخدم بالبيوت ،،، لين اجمع مهره وارميه بوجهه !!
ام غنى : حرااااام الي قاعد يصير فيك ! احسك صغيره على كل ذاا ؟ شكلك تزوجتيه غصب .
رندا : هذا اللي صار ، والحين ابخلص منه بأي طريقه !!
ام غنى : الله يعينك يابنتي ، لو تبين انا ادفع لك مهره واريحك !!
خافت رندا من اكتشاف امرها وقالت بإنفعال : لالالا ياخاله لا ، ما احب اخذ شيء مو من حقي !
ام غنى : لا عادي تقدري تكملي عملك معي واخصم من راتبك !!
قالت رندا بضيقه : خلاص يا مدام لاتضغطي عليا الي فيني كافيني ،، ( ونزلت كم دمعه حاره من عيونها وكملت صحنها )
=======
في غرفه عبتها الظلمة والحزن والدموع كان يجلس سعيد المسكين وهو يندب حظه ويقرا رسايل رندا له ، يقراها ويبكي ،
- وينك يارندا ، كل شيء بعمري ضاع بدووونك ، الحياه صامته وساكته بدونك ، وش اللي غيرك ؟ وش اللي قلب حالك ،
لمح رساله مكتوب فيها ( حبيبي سعيد ، اتعلم ماهو شعوري حين انظر اليك ؟ اشعر بعاصفه من الأمل والإبتسامه تجرفاني نحوك بقوة ، الا تلاحظ تلك الإبتسامه حين انظر الى وجهك الجميل ؟ انني اقرأ اصدق تعابير العشق في وجهك فأحسد نفسي حقا لأن كل هذا الحب لي انا )
بكى سعيد وقال : خدعتيني ، تحولتي بنظري لوحش قلبه قاسي ، بعتيني لسبب رخيص ، ايه رخيص ؟؟؟ لأني واثق ان ماحد بالدنيا بيسعدك قدي، لكنك جرحتيني ورحتي ، ضيعتي حبي وشتتيه ... لعبتي بمشااااااعري ، ماكنت اشك لحظه انك بتسوي الي سويتيه ، لكن بدفعك الثمن صدقيني !!
مسك جواله واتصل على وليد وخبره بكل الي حصل !
وليد : لاحول ولا قوة الا بالله ، اكيد عمي سوالها شيء !!
سعيد : متأكد مليون بالميه ان عمي ماسوالها شيء لأن عمي بينجن اكثر مني !
وليد : بكره على اول طياره بجي اوووك ، هدي اعصابك وبنشوف حل بحول الله
سعيد : اوووك ياليت تجي ماتعرف اش قد انا محتاجك جمبي .... مع السلامه ..
=======
في بيت ام غنى نام الجميع ماعدا رندا الحزينه ، المكان جديد وموحش وحاسه بغربه فظيعه !
- انا الحين مجرد خدامه تطبخ وتكنس لتداري فضيحتها ، انا الحين وحده هاربه من اهلها زي اي بنت لوثت شرفها وارخصته !
- سامحني ياسعيد ، انا اهدرت مشاعرك الصادقه انا خذلتك بدون قصد ، خلاص انا انمحيت من كل اسطرك ، اتمنى انت بعد تمحيني من حياتك وتنساني ! مضطره والله ، مضطره عشان لاتقتلني انت وابوي لادريتوا بحملي !! ومن المسؤول عن هالحمل !! مستحيل تصدقون انه اغتصبني ، لأني كنت ادافع عنه راح تحكمون علي ان كل شيء تم برضاي ( بكت بحراره فظيعه )
مسحت دموعها وحاولت تبتلع غصتها وكملت بحقد كبير : وانت ياسعود ، اوعدك لو اخر يوم بعمري اني لو شفتك راح اذبحك بيديني وبعدها ماراح تهمني حياتي ابدا ، راح اقتلك مثل ماقتلتني ياسعود ، اوووعدك !!
انتهت قصتي معاك ياسعيد نهايه حزينه وخيم الليل عليها ، وماتت بدووون ارادتي وارادتك ..
فتشت بأغراضها لين طلعت دفتر مذكراتها ومثل كل مره تكون فيها متضايقه ، جلست تكتب كل اللي يجول بخاطرها ، لين غلبها النعس وناامت !
يمر يوم وكل يوم يمر أحس أني حزين
أمسي على ضيقة صدر وأصبح على ضيقة صدر
قالوا الفرج عقب الصبر قلت الصبر همٍ دفين
قالوا الوفي طبعه وفي قلت الزمن كله غدر
قالوا الصدف قلت الصدف ماعشمت طول السنين
قالوا القدر قلت القدر من اللي يردك يا قدر
قالوا الامل قلت الامل مثل السراب اللي يبين
قلت للعهد وانا على المطلاع وسط المنحدر
=======
صباح اليوم الثاني كان سعيد بمحله وهو غارق بالهموم والتفكير باللي سوته خطيبته وبنت عمه الغاليه ، مانام بالأمس وقرر يروح محله من بدري ليحاول انه يزيح الأفكار السودا اللي شلت دماغه عن كل شيء !!!
شوي ولا يلاحظ ان سياره تلبق قدام المحل ، دقق ولاحظ ان اللي نزل منها هو يوسف مدير وفاء بالعمل !
حس انه متملل وماله نفس يكلم احد ( اوووووووووووووف هذا مو وقتك من جد ، الحين بيقرق ع راسي كلم لي عمك وكلم لي عمك )
يوسف : السلاااااام عليكم - ومد يده -
سعيد : هلاهلا والله وعليكم السلام والرحمه ياهلا والله !! نورت المحل . كيفك يووسف ؟؟
يوسف : بخير الحمدلله انت كيفك وكيف علومك ، طمننا عليك ياعريس !!
حس سعيد بغصه كبيره يوم سمع كلمه ( ياعريس ) ورد بدون نفس : نحمد الله بخير ، وش تبي تشرب ؟؟
يوسف : قهوة ساده ، بس ياليت ع السريع لأني مستعجل شويه ، اكيد انك خابر الموضوع الي جاي اكلمك فيه ,
سعيد : اكيد اكيد ادري ، تفضل لين تجهز قهوتك !!
شوي ولا يدخل المحل انسان ماتوقعه يوسف انه يجي ابداااا ،
سعيد : ياهلا والله ياهلا بخووووي وليد !!
بالفعل اللي جا توه كان وليد ، جا ليشوف حل لإختفاء رندا المفاجئ ، جا على اول طياره من اليونان ,
وليد : خير ياخوي ، وش اللي صاير ؟؟ خرعتني على رندا ؟؟ مافيه اخبار عنها .
طبعا وليد ماكان ملاحظ وجود يوسف ، فاضطر سعيد انه يأشر على يوسف لوليد بإنه مو وقت الكلام عن الموضوع فيه ناس عنده بالمحل .
وقف يوسف ومد يده وقال : هلا فيك وليد ؟ الحمدلله على سلامتك ؟
وكان وليد يجهل يوسف ومايعرفه ، مد يده ببرود وقال : ياهلا ياهلا !!
سعيد : اعرفكم على بعض ، وليد ،، هذا يوسف مدير وفاء بالعمل ،، يوسف ،، هذا وليد اخوي الكبير !!
وليد : تشرفت والله ،
يوسف : الشرف لي .. الظاهر ياسعيد ماقلت له ليش انا هنا !!
سعيد : لا والله ما امداني ، اخبرك ياوليد ، يوسف يبي يخطب بنت عمك وفاء بس عمك رافض يعطيه ، يقول انه متأمل انك تطلق حرمتك بيوم وتتزوجها ،
تنرفز وليد وقال بصوت عالي: لاحول ولا قوة الا بالله ع هالموضوع اللي مايبي ينتهي ابد !!
يوسف : انا متعشم ان انا وسعيد نقدر نقنعه بهالموضوع وياليت لو انت بعد تدخل معنا بإقناعه ، يقول لك كثره الدق تفك اللحام !
وليد : انا ؟؟؟ انا اقنعه ؟؟؟ شلون وهو يبيني اتزوجها غصب ههههههه
سعيد : ع العموم يايوسف موعدنا المغرب بحول الله تعال لي هنا وانا وانت ووليد نروح لعمي البيت ونتفاهم !
وقف يوسف ومد يده وقال : على خيره الله ، يله اترككم سوا تأخرت ع الدوام وان شاء الله نشرب القهوة على شرف خطوبتي من بنت عمكم
سعيد ووليد : ان شاء الله ... في امان الله
=======
خرج يوسف من المحل واتصل على وفاء وقال لها :
المغرب ابجيكم اليوم انا وعيال عمك الإثنين وليد وسعيد ؟؟
وفاء : قلت لي وليد ؟؟؟؟
يوسف : ايه توه جاي من السفر ، وجاي على ملا وجهه مادري وش فيه ، كان غريب ويسأل عن اختك رندا !!
ارتبكت وفاء وصارت تدور كذبه : هااا ؟؟ ايه ايه رندا ،، ماقلت لك ان رندا مريضه شوي ، ويبون يتفقون ع موعد جديد للزواج !
يوسف : اقول طولت سالفه اختك وهي قصيره طالما ان الأب موافق وهي موافقه وش لها تطول الموضوع !!
وفاء : لسه ربي ماكتب نصيب !
يوسف : مالنا ومالهم ، نحن لنا بموضوعنا ، يله ادعي ربك يوافق ابوك ونتزوج انا وانتي وسعيد ورندا بيوم واحد !!
وفاء : ان شاء الله ربي قااااادر .
يوسف : مع السلامه ..
وفاء : فمان الله ..
فكرت وفاء بينها وبين نفسها وقالت : احس ان في سببين قويين يخلي ابوي يوافق على زواجي من يوسف ،
السبب الأول هروب رندا ، راح يوافق خوف من اني انا بعد اهرب واوطي راسه ، والسبب الثاني ان وليد بيجي معاهم ويقنعه بكذا راح يغسل يده من زواجه مني !!
معقول مصيبتنا برندا تجيني بفوايد ؟؟ ليه لا محد داري !!!! بس مجرد اتزوج بسوي جهودي اني القى رندا واعرف سالفه حملها من مين ؟؟ متأكده ان مصيبه صايره لها ، وسعيد ماله علاقه بهالمصيبه ، ورندا الملتزمه المؤدبه الخجوله من جد ما اصدق انها حامل بدون زواج ، والله لو درت امي لتروح فيها !
=======
في محل سعيد اخذ وليد اقرب كرسي له وجلس قباله اخوه وصار يتسائل بعصبيه : وش سالفه خطيبتك قول بسرعه ؟؟ وش اللي خلاها تهرب ؟؟؟
سعيد : والله مدري ياخوي مدري ، تركتني وراحت ( قال كذا وهو يغالب دموعه لاتطيح منه )
وليد : متأكد 100 % ان عمي ورى هروبها
سعيد : وليد عمي ينكر انه حتى كلمها بهذاك اليوم ، اتفاجأوا ، تعرف عمك انسان متجبر وظالم ولو كان كلمها او زعلها يقول مايهمه !!
تنهد وليد وطالع الأرض وقال : كم لها هاربه الحين ؟؟
سعيد : صار لها 4 ايام !!
سكت سعيد شويه وبعدها كمل : من حوالي كم شهر صديقي سعود لو تعرفه ، تحرش فيها بالمحل هنا قدامي .. ويوم ابوها درى كسره من الضرب وقلع له عينه ، وانا طردته من عمله ولا اعطيته مستحقاته ، وخايف يكون سعود ورى اختفاءها ، او ممكن يكون خطفها ، او ممكن تكون هربت معاه وكانت تكذب علي !!
صرخ وليد : وش هالكلام ,, ترى انت تتكلم عن رندا وكلنا نعرف اخلاقها !!
احتضن راسه وقال بقهر : وينها طيب وينها ابنجن ياناااس !!
وليد : قم قم معي بيت عمك يله !!
قام وليد ومسك اخوه من سعيد وساعده ليقوم قام سعيد وهو ياااائس من رجعتها ، بس ليساير اخوه قام معه .....
وليد : يله يخوي يله ، اتمنى من الله ان هالجهود تجي بنتيجه ونلاقيها ،
سعيد : يارب يارب بس انت خلك متماسك ولاتنهار ، وكون واثق اننا بنلاقيها ثاني !!