راحت بسمه في الصاله الي تجلس فيها ام زوجها ، وجلست ساااكته !! واستغربت ام مازن من هالسكوت !!!
ام مازن : عجيب يابسمه وينه لسانك بالعاده تدخلي تبربري وتنمي بفلان وعلان ؟ وش فيها شياطينك هجدت ؟؟
وفووورا نزلت دمووووع ساخنه على خدودها وقالت بصوت مليااااان بالغصة والغضب : تخيلي ياخاله ؟؟ طلع مازن بالفعل يعشق رندا !..
ضحكت ام مازن وقالت بدون اهتمام : بسمه حبيبتي لسه مستمره على وساوسك ؟؟؟
صرخت بسمه بكل قهر : سمعته بأذني يقول لصديقه انه يعشقها ،، سمعته يقول له انهم يتراسلون من شباك الملحق رسايل غراميه يتبادلوونها ..... الي سمعته بعد وساوس ؟؟؟
سكتت ام مازن فورا كان وجهها مصدووووووووووووووم !!! ولدها المرموق ذو المكانه العاليه يعشق وحده مثل هذه بنظرتهم ؟؟؟
كملت لكنتها : بسمه صدقيني يتسلى !!! من جدك تصدقي كلامه ،، هو طفشان ويقول كذا من باب الفراغ بس .
قالت بصوت مخنوق ووجهها احمر : صدقيني يا امي انا اعرف شلون اخليه يطردها !!! ويرجع لي انا ؟ ما اصدق من جد ان هذه اخرتي مع زوجي ، يعشق علي بنت جابها من الشارع ؟؟ لكن دواهم عندي ...
رجع يوسف من عمله ولقي وفاء زوجته سابقته ، لاحظ انها محضره السفره وهم من 4 ايام ياكلون كل واحد لحال !.
طالع في وفاء وهو يفسخ الجاكيت وماقال شيء ،، علق الجاكيت ومشي وهو يفك الكرافتا .
كان حيعدي وفاء بدون اي كلمه بس هي مسكته من ذراعه وسحبته لها وضمته بقوه وهي تقول له بدموع حزينة : سامحني !.
ابعدها يوسف عنه وهو يقول : وخري عني وخري عني ....... تراني تعبان ومالي خلقك .
استغربت وفاااء كيف كسرلها نفسها ، فعلا بعدت عنه وهي مصدومه وغاصّة ومستغربه من قسوته الي ماكانت باينه عليه .
فتح باب غرفه النوم ودخل وقفلها وراه ...!
جلست وفاء على الكنبه وهي تطالع الغدا الي حضرته بنفسها ، وكانت تتخيله يحضنها ويقول لها سامحتك ويسحب لها كرسي الطاوله بنفسه عشان تجلس مثل ماتعودت منه !
دمعت عيونها وهي تندب حظها ، ليش تتسرع وتشك فيه ؟! ليش ماعطته فرصه تثق فيه اكثر من كذا ؟؟
- حطت راسها على الكنبه وظلت تبكي ، تبكي وتتذكر امها الي في هاللحظه بالذااات احتاجت حضنها الحنون ... تذكرت ابوها الي هو سبب كل شيء سيء تمر فيه هي واختها ، وتفكر ليش يوسف انقلب كذا عليها !
وبالغرفه وبعد ما يوسف لبس بيجامته مسك جواله واتصل على شجن والي المفاجأه الكبيره هنا ان اسمها يارا ، مو شجن ! ! !
يوسف : بشري ؟؟؟؟؟
شجن : كل شيء تمام !!!
يوسف بصوت منخفض : ماشاء الله عليك اقنعتيها تماااام ، شوفيها محضره لي السفره وتبي تراضيني بس انا سويت نفسي زعلاان ودخلت الغرفه علطول بدون ما اكلمها !..
يارا : ههههههههه ياقاسي انت ..
يوسف : فديت هالضحكه والله (( واتمدد بإسترخااء )) وبدأ كعادته من فتره يكلمها جوال ويتغازلووووون ،،ويخووووووووووووووون وفاااء المسكينه المحطمه
نعم بالفعل يوسف يخون وفاء ، ومع وحده ثانيه اسمها يارا ، المظلوووم بالموضوع وفاء المسكينه الي ظنت انها هي الغلطانه ، من حبها الكبير ليوسف مارضت حتى تصدق الي سمعته بأذنها ومشت ورى تبريرات يوسف الي شغال لف ودوران بوفاء بكل ذكاء .
ايه نعم يووسف كان بالفعل يخونها ، واتفق مع يارا تسوي الي تسويه اليوم ليبعد الشك عن نفسه وتستمر علاقة الحب معها وهو بنفس الوقت يطلع المظلوم بنظر وفاء ، ويستغل استماتتها بإرضاءه لجل يطول الزعله بينهم وتتاح له الفرصه بالبعد عنها لجل يعرف يكلم يارا براحته !!!
هو يكلم يارا بغرفه النوم ومبسووووط ومنسجم ووفاء بالصاله حاطة راسها ع طرف الكنبة ودمعتها على خدها ، نامت بنفس الفستان الفااتن الي لبسته له ، نامت بمكياجها الناعم وشعرها الغجري المنسدل على رقبتها وكتفها وخاطرها مكسوووور ،،
يوسف كحال اغلب الأزواج ، تصرف بوضاعه وحقاره مع زوجته الي وثقت فيه وعرضت حياتها للموت على يد والدها لتهرب معاه وتتزوجه ، ومع كذا الحين قاعد يهدم كل شيء ويهديها كذب وخيانه واحتقار ،،
الحين كلنا عرفنا ليش يوسف تغير على وفاء بالفتره الأخيره ، وقدر يخدعنا ويضحك علينا وعلى زوجته حبيبته وفاء !!! لجل نزوة عابره ، لكن هالنزوه راح تستمر ولا تتلاشى ويرجع قلبه يدق لوفاء ثاني ؟؟؟ تابعووونا
=======
كانت بسمه بالصاله جالسه وكل قهر وغضب الدنيا على راسها ، جالسه تاااكل في بعضها ، وتفكر وشلون تنتقم من رندا وتحسرها على نفسها وتتسبب بطردتها من البيت !!!
بهاللحظه نزل مازن من غرفته متعطر ومتكشخ ومتأنق ،، على غير العاده ، وبسمه تحححححححححححححححقد بزيااااااده ، هالمره متيقنه ومتأكده مثل ماهي متأكده من اسمها ان زوجها متكشخ لغيرها ، ومن هي ، لوحده مثل رندا ....!
بسمه : على وين العزم ؟؟؟
مازن : وين يعني ،، على المستشفى ،،
بسمه : وش هالعطور والأناقه ؟؟ مو عوايدك ؟؟؟
قال لها وهو يدخل يده بجيبه ويخرج المفاتيح : ليش قالولك عني عفش وما يعرف يلبس ...
ناظرت بسمه فيه بكل حقد وعيون لامعه وقالت بنفسها : فرفشتك رندا صح ...؟؟ مثل مافرفشتك راح تبكيك دم ،،، ( وبسرعه قلبت وجهها ع الجهة الثانيه )
طالع مازن في امه وقال لها : امي انا ماشي توصين على شيء .؟؟؟؟
ام مازن : لا حبيبي الله يفتحها بوجهك !!
وطالع في بسمه وسألها نفس السؤال : وانتي يابسمه ؟؟؟؟
بسمه ببرود : مابي شي بس انت روح لا تتاخر ع شغلك
خرج مازن وفوووورا ناظرت بسمه في امه وقالت له : وش فيك امي ؟؟؟ من جدك ماتكلمتي معاه عن الموضوع الي قلته لك ؟؟؟
ام مازن : وش تبيني اقول له ،، هو رجال والرجال مانحاسبه على هالأمور ؟؟؟ ماتعرفين يعني ؟؟؟؟
ردت بسمه بمسسسسسسخرة : ياسلاااام ؟؟؟ وانا وين رحت ؟؟ كرامتي وين راحت ؟؟؟ خير ياطير لو رجال ؟ يعني مهو متزوج وعنده عيله ؟؟؟
=======
كانت رندا على الشباك وشافها مازن وهو خارج ، واستبشر خير !
قرب من الشباك وقال لها : ياصباح الورد لأحلى ورد في الدنيا
ابتسمت رندا بخجل وقالت بصوت منخفض : صباح النور ياهلا
جلس يناااااااااااااااااظر فيها وهو مبتسم ومايقول ولا كلمه ، وهي حست بالإحراج بقووووة !
مازن : توصي على شيء اجيبه لك ؟؟؟ لا تخجلين قوولي ؟؟
رندا : سلامتك والله ، ما ابي غير سلامتك !!
مازن : فديتك والله ، الله يجيب ذاك اليوم واشوفك فيه زوجتي وتصحيني للدوام واستبشر بوجهك الحلوو خير ، وينتهي كابوس بسمه من حيااتي للأبد !
استغربت رندا من كلامه لأنها ماتوقعت تفكيره فيها زوااج مره وحده ! وقالت له مستغربه : قلت زواج ؟؟؟
كمل مازن : رندا ، ابي اتزوجك على سنه الله ورسوله ، واوعدك اني اعوضك عن كل الأيام السوودا الي عشتيها !!! ولا تردين علي الحين فكري زيييين وبعد ماتفكري قرري وش بيكون الرد !!
ماكانت رندا ترد ولا حرف من الدهشه الي صايبتها ، ومازن السعيد جدا بحبها له ،،، قال لها بكل ثقه : يله انا انتظر موافقتك على احر من الجمر ، واوعدك ماراح تندمين ابد !!
ولوح لها بيده بإنه مع السلامه ، ولبس نظاراته الشمسيه وركب سيارته وانطلق !!
دخلت وقفلت الشباك وهي في قمه استغرااااب ، لااااااااااااااااااا وبعد في قممممممممة سعاااادتها ، واخيرا راح ينتهي الكابوس الفظيع الي تعيشه في هالملحق !!!
- ماراح اخبره بموافقتي وسعادتي علطول ، لازم اكون ثقيله شوي ـ لو حس اني سهله راح يهضم كل حقوقي ، خصوصا ان وراه ناس مثل بسمه وامه !!!
======
كان معتصم بغرفته يدخخخخخخخخخن وسرحاااااااااااااان في عالم ثاااني ، ومشغل الأغاني بأعلى صووت ، في هذا الوقت دخلت بسمه عليه بغرفته تبي تكلمه !
عدل من جلسته وقصر صوت المسجل وقال لها : ياهلا ياهلا والله بالعودة ،، ياهلا بمرت اخوي ؟؟؟ وش سر زيارتك الغريبه لغرفتي !!!
بسمه : لا ولا شي بس ابي ادردش معاك شويتين !!!
قال لها والسيجاره باقيه بفمه : هلا هلا حياك تفضلي ( وكان يلملم المناديل واكياس الشكولاتات والشغلات الي كانت فوق سريره !!!
جلست بسمه على طرف السرير وقالت له : مو ناوي تتزوج ؟؟ نبي نفرح فيك ؟؟؟؟
معتصم : يله على يدك هههههههههههههههههههه ،،،
وكمل بجدية : انا ويييييييييييييييييين والزواج وين ، توني صغير 24 سنه ، ابي اعيش ابي افلها ، ما ابي تجي وحده نشبه بحياتي تكرهني في كل شيء وتوقف لي ع الوحده !!
بسمه : اممممممممممممممممم غريبه والله شاب مثل الورده كذا ويجلس من غير حب او علاقه عاطفيه (( هنا كانت بسمه تلمح لنواياها الرديئة تجاه رندا ))
معتصم : هههههه انتي مسكينه ، انا كل يوم مع مزة ،، وكلهم يتهاوشون علي ، هع هع
بسمه : ماينلامون ، وسيم مثلك من يقاومه من البناات ههههههه !!
استغرب معتصم من كلامها الغريب هذا وقال لها : بسمه ؟؟ في موال براسك صح ولا لا ؟؟؟ تراني حافظك صم صم !!
ردت عليه وهي تتصنع البراءه : هههههه اي موال يامعتصم قلت لك جايه ادردش معاك وبس !!!
سنّد ظهره بالسرير وكمل سيجارته بتركيييز ،،، وقال لها : مو فبالي البنات الحين ، انا تفكيري كله منصب على وظيفه ، مابي شغل بالمستشفى ، انا طموحي كله بالموسيقى !!
بسمه : اممممممممممممم ، وش رأيك برندا ؟؟؟ (( كانت طفشت وهي تبيه يتكلم عن رندا وماتكلم !!! ))
معتصم : رندا من ؟؟؟؟؟
بسمه : الخدامة الي بالملحق ، ماتعرفها !!!
برزت عيوون معتصم وعدل جلسته وطفى سيجارته وقال لها بحماس : اييييييييييييييييييييييييييه هذه مرررره ناسيها ، من جد من هذه ووش قصتها ؟؟ ليش هي بالملحق دون عن الخدم ؟؟؟
بسمه : شوف معتصم انا مدري لكن حسب كلام اخوك انها مطلوبه من الجهات الأمنيه وهو متستر عليها ،، وانا طلبت من مازن تجلس بالملحق مو فالبيت ، لأن لها حركات زايده شوي ،
معتصم : ليش مطلوبه ؟؟؟ وبعدين وش الحركات الزايده ؟؟؟
بسمه : ليش مطلوبه والله مدري .. والحركات الزايده اممممم ،، هي تحاول تتقرب من زوجي وتحاول تغريه لنفسها ، الإنسانه سيئة من الداخل يالطيف !! طلبت يحطوها بالملحق لين يشوفون لها حل !!!
معتصم : اهااااااااااااااااااااااااا !!!
وهنا جا دوور الشيء الي جات بسمه علشااانه ،، خرجت من جيب بنطلونها مفتاح !!! وناولته لمعتصم !! وكل الخبث والمكر في عيونها !!
كشر معتصم وقال لها : وش هالمفتاح ؟؟؟
بسمه : هذا مفتاح ملحق رندا ، الصراحه انت فاضي وانا مشغوله ، كل شوي رندا تطلب مشاوير وخرجات وانا ابيك انت تكون المسؤول عن فتح وقفل الملحق عليها !!!
اخذ معتصم المفتاح وهو مستغرب ، وقال لها : طيب ليش انا ؟؟ ليش مو زوجك او امي ؟؟؟
بسمه : انا مهربتها من مازن وانت تقول خلي مازن ، هذا شيء ،، والشيء الثاني امك كبيره وحركاتها صعبه بالبيت ، عارفها تشتكي من المفاصل !!
معتصم وهو باقي مندهش ومستغرب : اهااااا ... اوووك ... اوووووك !!!
بسمه : يله عن اذنك ، عندي خرجه للسوق مع صاحباتي !!
معتصم : اذنك معاك !!
نوايا بسمه من تجاه رنده ومعتصم بعد كانت جدا شينه ،،، تبي تورطهم في بعض ،، مستغله ان معتصم نسونجي ودايم يسكر ،،، هذه حربها ضد رندا ،،، الحرب الي اعتبرتها كفاااح مقابل استقرار زواجها الفاشل والي ماكان احد سبب في فشله الا خبثها وردائة نفسها
قالت في نفسها : انا اوريك يا مازن شلون تخونني انا ، ان مادخلتك انت واخوك في بعضكم بسبب رندا ما اطلع بسمة بنت ابوووي !!
تابعوووونا في البارت القادم ونشوف هل معتصم راح يتفرج كذا على المفتاح ،،، او راح يصير الي خططت له بسمه ؟؟؟؟
كونوا معنا !!