طول هالثلاثة الشهور الي جالسه وفاء فيهم عند امها وهي في البيت ، مكتئبة للغايه ، حتى امها كانت تجيب لها الأكل في غرفتها بدون ماتكلمها ، بدون ماتسألها وش الموضوع !
تشوف الدموع في عيون بنتها ، ولكن ماتبي تسألها لين تهدئ نفسيتها !
هالمره وبعد هالثلاث شهور كلها قررت امها انها تسألها ، وتعرف منها وش الي صاير بينها وبين يوسف !
كانت وفاء متمدده ووراكزه راسها بذراعها ، ودموعها تنزل بدووون ارادة !!
ام وفاء : حبيبتي انتي ، كفايه خلاص - ومسحت لها على راسها -
وفاء : ...................
ام وفاء : باقي يابنتي ماتبي تقولي وش صاير معاك ؟ والله كثيره ذي ثلاثه شهور ولسه ماعرفت مشكلتك ، كل الي فهمته ان انتي ويوسف تركتوا بعض ، ولا قلتي لي وش السبب ؟
وفاء : ....................
ام وفاء : طيب تطلقتوا ؟؟
وفاء : مدري !!!!
ام وفاء : وفاء بالله قوليلي وش صاير شغلتي بالي يابنتي ؟ يرضيك وانا مايجيني نوم ولا راحه لأني افكر بموضوعك !
بهاللحظه ناظرت وفاء امها المسكينه ، شافت عيون حزينه ، شافت ملامح هدتها الهموم ، شافت ام مفجوعه في بناتها ولا بيدها حيله ، شافت انسانه ضعيفه ومغلوب على امرها ومابيدها الا البكااء !!!
قامت وحضنت امها بقوة وهي تبكي ،،،،،،،،
ام وفاء : بنتي .... حبيبتي !!!!
وفاء : طلع خاين يا امي ، طلع كذااااب ونصااااااااب ويلعب على بلــــــــــــــــــد !!!
انصدمت ام وفاء وقالت : يوسف ؟؟؟؟؟؟؟؟؟؟
وفاء : ايه يوسف ، يوسف الي هربت معاه والي عطيتيه ثقتك في انه راح يسعدني ويحميني ، رماني عشان وحده تعرف عليها يمة ، رماني وباع كل الي ضحيت فيه ، وش اسوي امي وش اسووووووي ؟؟؟؟؟ - وصارت تبكي على صدر امها بحرااااارة !!
حكت وفاء لأمها كل الي صار معها من يوسف ، قالت لها كل شيء ، والأم المسكينه مصدوووومة ، حاطة يدها على فمها وتبكي ، دموووعها غزيرة ! ضاعت رندا وتشتت وفااااء !!!
========
ويوسف الي دمر حياااه وفاء ، خلاااااااااااااص خطب ياارا ، وكان عايش معها كل فصول الرومانسيه ، كان سعيد معها ، ومافكر في وفاء ، حتى طلاااااق مافضي يطلقها ، يارا اعمت له بصيرته ، !!!
خلص من دوامه ومسك جواله واتصل عليها : ها ياحبي ، وبعدين معاك يعني ؟ مو ناويه تداومين هنا عندي ؟ صاير اشتاق لك وما اشوفك مثل ما ابي !!!
يارا : ومحل الملابس حقي من يديره ؟ اترك التجاره واقابل مكاتب ؟؟؟؟؟
يوسف : حياتي ، يعني تبدين ملابسك ذي ومحلك التعبااان هذا على انك تكوووني قريبه مني ؟؟ والله منتي صاحية !!!
يارا : هههههههه ، بشرني وش اخر الأخبار ؟؟؟؟
يوسف : خلاص حبي ،، سلمت الشقه حقتي للمستأجر ، والحين شريت شقه صغيره ثلاث غرف تكفينا ، ومابقي الا العفش ، وخلاص نتزوج ونعيش فيها احلى زوجين بالدنيا !!
يارا : ياسلام اخبار تجنن ، وبهالمناسبه عازمتك على العشا الليله ، في المطعم الهندي الي نروحه دايم ؟ وش قلت ؟؟؟
يوسف : ان شاء الله ، يله ياحبي مع السلامه !!!
=======
كانت رندا في هالفتره ثقيله بحركتها ، صحيح بالسادس ، ولكن حركاتها مثل الي واصله بالتاسع ، جسمها سمن ، رجولها اتنفخت ، ومازن مايتركها ولا لحظة !
مع كل هالتعب رندا كانت تحس بسعاة ماتنوصف ، كل ماشافت مازن معها وحولها تحس بالأمااان اكثر ،
لاحظ مازن ان رندا غفت ثاني ،
( يابنت الناس وش فيك توك من ساعتين صاحيه ؟؟ لاحووول الله ،،، هالحمل من جد مشاكله ماتخلص ، الله يعين الحريم !!! )
جات حليمة لمازن وهو جنب رندا ، وقالت له : دكتور مازن في شاب واقف عند الباب يبيك !!!
مازن : من هو ؟؟؟ ما قال لك اسمه ؟؟؟
حليمة : لا ، بس قال انه يبيك ضروري !!!
مازن : حاضر ،، يله الحين جي .....
خرج مازن للحديقه وهو طالع للباب شاف معتصم اخوه ، ووقف مكااااااااااانه !!!
مازن : هالحقير مهو جاي لله ، في مصايب ثانيه براسه وبالتعاون مع السوسه بسمة !!!
خرج له مازن وناظر له بدووووون نفس ،،،
معتصم : اهليين مازن ، شلونك - ومد له يده يبي يصافحه -
ناظر مازن ليد اخوه وماعبرها ، بسرعه قال له : اخلص ؟؟؟ وش السالفه ؟؟ وش الي جايبك !!!
معتصم : كذا تبينا نتكلم على الباب ؟؟؟؟
بعد برهة صمت وغضب قال له مازن بصوت منخفض : تعال الحديقه ، وياليت ماتطول عن 10 دقايق !!!!
معتصم : يله !!!
جلس مازن وجلس بعده معتصم ،،، شبّك مازن اصابعه في بعض وقال لأخوه : هات الي عندك ؟؟؟!!!!
مد معتصم يده لجيبه ، وخرّج منه ظرف ورقي ، وقال له : هالورقه فيها دليل على ظلمك لنا ، وظلمك لأمك ولزوجتك ، وفيها حقيقه الوهم الي انت تعيشه مع .......... - ومابغى معتصم يكمل بسسسسسسسسسرررعه مسكه مازن من رقبته : مع مين ؟؟؟؟ تبي تشتم رندا قدامي بعد ؟؟؟؟؟؟؟؟
وبكل برود مسك معتصم يد اخوه ونزلها بهدوووء ، وقال له ببرود اكبر : انا ما احترم وحده مثل رندا !!!
وبسررررررررررررعه لكمه مازن بقوووووة على وجهه ،،،، وطاااح معتصم على الأرض ،،،
مازن : يله انقلع من بيتي الحيين ، يله والا طلبت لك الشرطه !!
كان معتصم يتصنع البرود ، وماكان خايف من اخوه مثل كل مره ، وقف وقرب منه قريب جدا ، وقال له : ما احترم وحدة جات من الشااارع ، واخذت زوج من زوجته ، وابن من امه ، واب من بناااااته ، ولو تعرف حقيقه اخلاقها ، بتقول مثلي واكثر بعد !!!
حس مازن بعرووقه تغلي ،،، مسكه من ملابسه بغضب وخرررجه لخارج الفيلا ، وحاول مايطلع اصوات ، ويوم صار معتصم خارج الفيلا قال له مازن : حسك عينك اشوفك هنا ثاني ، يله عند استاذتك بسمة ، يله !!!!
ابتسم معصتم بخبث ومشي خطواته بعيد عن الفيلا ،،،
طالع مازن في الظرف ، وحطه في السيارة ودخل في البيت من جديد ، ونسسسسسسسسسسسسسسسسسسسي يفتحه !!!
========
حضرت ام وفاء العشا لها ولأخوها ( خال وفاء ) ، وجلسوا على الطاوله يبوون يتعشوون ،
وفجأه شافت ام وفااء منظر افرح قلبها الحزين ، شافت بنتها الي كانت حابسه روحها بالغرفه خارجه منها ، وتبي تتعشى معاااهم ،
بوجه باكي ومتعب ابتسمت وفاء لأمها وقالت لها : من اليوم ورايح ماراح اسوي غير الي يسعدك ويفرحك ، والله لأكرس حياتي كلها لسعادتك يالغاليه ،
ام وفاء : الله يسعدك ويجبر خاطرك ، والله خرجتك من الغرفه للعشا معنا تسوى كل شيء بعيني ، يله يله حبيبتي - واخذت صحن - اغرف لك الشوربه الي تحبيها سويتها لك !!!
ماجد ( خال وفاء ) شاب من عمر وفاء ، موظف وعازب ، مرح جدا ، احتضن اخته الكبيره يوم عرف ان زوجها بعد هالعمر طلقها !!!!
ماجد لوفاء : الله الله ، امك سوت لك الشوربه ، اجل قلب الأم من جد صااادق ، وشلون حست انك بتطلعي لنا ؟؟؟؟
وفاء : عسى ربي لايحرمني منها !!!
جلست وفاء ، وحست بدووووووووووووووووووووووووووووخه شافت امها وخالها اشخاااااااااااااااااص متعددين ، والأرض تلف فيها !!!
مسكها خالها وقلقت امها ( وفاااء وش فيك بسم الله عليك )
وفاء : لا لا لاتخافون ، هذا لأني ما اتغدى زين ، اكيد معاي انيميا !!! بس بعوضكم ان شاء الله واعوض نفسي ، متأكده انه عايش حياته ولا مهتم ، وانا بسوي مثله وبعيش حياتي ولا بهتم !!!
ماجد : كفووو والله ، ويالله سموا بالرحمن ،
وصاروا يتعشوووووون وهم فرحانين بوفاء الي بدأت تخرج من دائره حزنها العسير !!!
========
وصل معتصم للبيت ، واستقبلته بسمه وهي متحمسه : بشر ، وش قال يوم قرى الرساله ؟؟؟؟
معتصم : طردني قبل مايشوفها اصلا ، من يوم اعطيته هي حطها في جيبه ، مدري متى بيقراها ؟؟؟
بسمه : وليش ماطلبت منه يقراها قدامك ، الحين كيف نعرف ان ثقته فيها راح تهتز ؟؟؟
معتصم : انا كنت مقهوووور وصرت اتكلم عليها قدامه ، ضربني ... شوفي - واشّر لها على عينه وعلى رقبته الي باينه فيها اثار الضرب -
بسمه : هانت هانت يامعتصم ، كل شخص راح نحطه بمكانته الصحيحه ، رندا بترجع الشارع صدقوووني !!!
========
كان يوسف مع خطيبته يتعشون في المطعم ، ومع الموسيقى الهاديه ، يتبادلون النظرات الحالمه ، والملياااانه بالتخطيطات المستقبليه ،
يارا : الشقه وش باقي لها ؟
يوسف : خلاص حبي بس باقي تمديدات المويه ، وبعدها العفش ، وانتي الي بتختارينه !
يارا : ياااااه احب الديكووورات ، ولكن برضو ابيك تساعدني !!
حس يوسف بيد تمسك بكتفه ، طالع للأعلى وشاف شخص طول بعرض ، وقف له وقال له وهو مستغرب : من انت ؟؟؟؟؟
الرجل : انت يوسف حسن ؟؟؟؟؟
يوسف : نعم انا يوسف حسن !!!
الرجل : معاك المبااااحث !!!
كشر يوسف وقال لهم بإنفعال : وش تقوووووووووووول ؟؟ مباحث ؟؟ وليش مباحث وش الي سويته ؟؟؟؟؟؟
الرجل : تعال معنا وانت تعرف وش الي صاير !!
ماشك يوسف ولا بشيء ، لأنه واثق انه ماسوى ولا شيء يخالف القوانين اود يدينه ، ( ياترى ليش يبوني ؟؟؟ )
ناظر يوسف في يارا وقال لها : اقول حبي خلاص ارجعي البيت وانا الحين احاسب المطعم واروح معاهم ولا رجعت بيتي اتصلت طمنتك ، اوكي ؟؟؟؟
يارا : طيب وش الموضوع مايقولولنا ؟؟؟؟
يوسف : خلاص حياتي يله روحي واتصل فيك بعدين ، يله روحي ،،،، احبك موووت !!!
يارا : طمني عليك الله يخليك ، يله مع السلامة !!!
وش سالفه المباحث ياترى ؟؟؟؟؟؟ تابعونا ....
==========
حست وفاء بمغص ماهو طبيعي بعد العشاا ، وهالمغص اوششكها على البكاااء ،، راحت لأمها وخالها وهم يطالعون تلفزيون
وفاء وهي ماسكه بطنها وكاتمة المها : امي في الم قوي في معدتي مدري وش السالفه الظاهر لأن لي فتره ما اكلت زي الناس واليوم لأني ثقلت بالأكل تأثرت ،
ارتبك ماجد وقام بسرعه : يله يله نوديك المستوصف القريب يله !!!
كبرت عيون امها وقالت لأخوها بلهجة شديدة : وش فيك ياماجد ؟ تبي ابوها يشوفها ؟ احنا اتفاقنا وفاء ماتخرج من البيت لين الله يحلها !!!
ماجد : طيب وش السواه نتركها كذا يعني ؟؟؟؟؟
سكتت امها واتجهت على جهة بنتها وحضنتها وقالت لماجد : روح وجيب الطبيب بنفسك !!!
ماجد : ابشري ، وانتي روحي مدديها بالسرير ، الله يستر وش الي صاير لها !!
=========
وصل يوسف لقسم الشرطه ، وهو واثق من نفسه ، ( ماسويت ولا شيء يعيبني او يدمر لي مستقبلي ، ولكن في ان بالموضوع ؟ وش الي صاير ؟؟؟ )
جلس يوسف قدام الضابط ، وقال له : حضرة الضابط ، ماتبون تقولولي وش الي مخليكم تجروني بهالليل وانا اتعشى مع خطيبتي بعد ؟؟؟؟
الضابط : يوسف , انت مدير عام لفرع في احد البنوك ؟؟؟؟
يوسف : صح ،،، ليش ؟؟؟
الضابط : انت متهم بجريمة اختلاس اموال العامة !!!
نزل هالخبر مثل الصااااعقه ، وقف يووسف من خوفه ، وقال للضابط وهو مندهش : وش تقول انت ؟ اي اختلاس ؟؟ ووينه ؟ ايش موضوعكم اليوم ؟ مشبهين او شيء ؟؟؟
الضابط : اهدى واجلس عشان نعرف نتفاهم !!!
صرخ يوسف : ماااااني جالس لين تقول لي ايش هالإختلاس الي تبليتوا فيه علي ؟؟؟
وقف الضابط وقال له بغضب : اقول ؟ قصر حسك واجلس مكانك وخاطب الشرطة بهدوء ... لو استمريت على هالأسلوب برميك في النظاره ,, سامع ؟؟؟ نحن هنا مو الموظفين الي عندك ، نحن رجااااااااال الشرطة .
سكت يوسف بعد ما اخذ نفس عميق ، وحاول يسحب توتره ، واعاد كلامه للقاضي ،: وش هالأختلاس ؟؟؟
ناول الضابط يوسف ملف ، وقال له : تفحصه واقراه براحتك ، ورد لي خبر ، عن اذنك !
ماصدق يوسف عيونه ، مبالغ مختلسه ومهربه للبنوك في الخارج ، وبتوقيعه هو بعد ، ، متى وقعهم ؟ وهل يوجد من يزور توقيعه !!!
رمى يوسف الملف في المكتب وقال بغضب : هالتوقيع مزور ،
نفى الضابط براسه وقال له : تم تحليله من خبير خطوط ، هالتوقيع توقيعك انت .
اخذ يوسف الملف من جديد وقرى التاريخ ، هالأوراق وقعها من شهرين !
يوسف : ياحضرة الضابط صدقني ماسويتها ، والله في غلط بالموضوع ،
الضابط : يجوز ، ولكن من الحين لين يكتشفون هالغلط مضطرين نحجزك عندنا ،
عصصصصصصب يوسف وصرخ : لا .... محد بيسجنني هنا ، محد راح يدمر مستقبلي ، ماراح اسمح لكم .
تجاهله الضابط ونادى العسكري : خذه بسرعه !
بكي يوسف وهو غاااضب : ياحضرة الضابط لا تحجزوووني هنا والي يسلمكم ، انا بريء والله بعمري ما اخذت قرش ماهو لي !!!!
ياترى هل الدنيا اخذت بثارها من يوسف لوفاء ، ام ان الي صار له امتحان ليصحى لنفسه والي سواه لوفاء ، ولكن للأسف هالمحنه الي تعرض لها يوسف ماذكرته بوفاء ، ولا راجع نفسه ، كانت يارا ماخذه كل تفكيره !
اتصل عليها وهو بالنظاره : يارا حبيبتي الحقيني بيسجنوني ، الحقيني بمحامي تكفين ما ابي يتدمر مستقبلي ويروح كل الي بنيته !!
اندهشت يارا واتضايقت : ولييييييييييييييييييييش ؟ انت وش مسوووي ؟؟؟
يوسف : اتهموني بالإختلاااااس ، ولكني بريء ، والله العظيم بريء !!
مسحت يارا دموعها وقالت له : طيب طيب هدي اعصابك ، انا الليله اتصل على محامي اختي ، واخليه يمرك القسم ، لاتخاف ان شاء الله بسوي لك الي اقدر عليه !!!
يتبع البارت الثامن والثلاثون