حست رندا بخيبة امل من استقبال زوجه مازن لها . وحست بصعوبه في العيشه بهالبيت ، ولكن مازن الي اكرمها كل هالكرم شلون تطعنه بظهره وتهرب من البيت او ع الأقل تطلب منه يتركها تمشي .
جلس مازن مع زوجته وامه وكانت رندا واقفه عند باب المجلس ,
قال لها مازن : ادخلي اختي حياك لاتستحين ، هذول بيكونوا اهلك الجدد !
ابتسمت بخجل وجلست ع الكنبه وهي على نياتها ، ولكن بسمه فورا قالت لها : بالأرض يا ماما .... اجلسي بالأرض ، عندنا الخدم مايجلسون ع الكنب >> وابتسمت لها ابتسامه خبث .
انصدمت رندا من هالكلام ، ( وش هالإحتقاااار الي احتقرتني هو ؟؟؟ لكن فعلا ،، هذا هو الواقع !! انا هنا مجرد خدامه ولازم ما اتصرف بأكثر من كذا )
قامت وجلست ع الأرض وهي حاسه بالإنكساار .
اتضايق مازن من كلمه بسمه ، كعادتها وقحه مع الناس الي اقل منها ،،
طنش على اللي سوته زوجته الحين وحب يدخل في الموضوع بسرعة .. شبك اصابعه في بعض ورفع راسه بحزم وقال : يمه ، بسمه .... هالإنسانه الي جالسه بيننا والي بإذن الله بنعاملها كأنها اخت جديده لنا ، تعرضت لظلم !! وهالظلم سبب لها مشاكل وصلتها لإنه حتى بيت ماتقدر تحصله تستر نفسها فيه ..
اتكت بسمه وقالت بشموخ : وش هي هالقصه ، اعتقد دامها بتكون في بيتي ابسط حق لي اني اعرف وش الي وراها !
وطالعت في رندا وقالت لها بإحتقار : وانتي وين لسانك ؟ ليش تاركته هو يتكلم عنك ؟ ليكون هو مدير اعمالك او المحامي تبعك ؟
رندا : عفوا انا كنت ابي اتكلم بس ...... >> قاطعها مازن بثقه : بس انا الي حاب اتكلم ، لأني ابختصرها ، ماله داعي نطولها وهي قصيره .
ناظر في بسمه بغضب وكمل كلامه وهو يناظر في امه : انا قلت نكسب اجرها منها تفيدنا ومنها نستفيد منها ، لأني من اول وانا ابي مربية خاصه لبناتي !
ام مازن : كنت استقدمت من بره وحده مثقفه وفاهمه بدل ماجبت وحده من الشارع ... >> بهاللحظه ناظرت رندا فيها بذهووول ( وش هالوقاحه الي بهالناس )
وكملت الأم :عفوا بنتي لاتزعلي بس هذه الحقيقه،، حنا مانعرف عنك شيء غير انك جيتي من الشارع !! والظاهر ماتبينا نسمع بقصتك !!
مازن : امي ماله داعي هالكلام البنت تعبانه وودها ترتاح لاتلحون عليها ان ماكانت حابه تتكلم فهذا شيء راجع لها .
ناظر فيها وقال لها : يله رندا قومي اوريك غرفتك ، اتحممي ونامي ومن بكره بإذن الله تعلمك بسمة شلون تباشري البنات وايش هو برنامجهم اليومي . اووك ؟
رندا وهي حابسه دموعها : ايه اخوي اتفقنا !!!
صدمتها من هالناس كبيره ؟؟ ليش مازن مهو مثلهم ؟؟ معقول هالإنسان الي رحمني حتى اكثر من خطيبي عايش وسط هالهمج ذوول ؟؟!! حتى ماعندهم اسلوب للكلام !! هل اهل المال والغنى يكون تعاملهم مع عامه الناس بهالإسلوب ؟
تنهدت وهي ماشيه ورا مازن وقالت في نفسها : ايام سووده ناطرتني هنا الله يعينني عليها !!
وقف مازن عند باب غرفه من الغرف وناظر في رندا وقال لها : قربي اختي لاتخافي .
رندا : ايه اخوي تحت امرك .
وقف مازن وطالع فيها لحظه ، وقال لها بقهر : رندا لاتكلميني كذا برسميه ، اعتبريني اخوك الكبير،، اممممم قدام الوحش حرمتي ايه كلميني كذا عشان لاتسمعك كلمتين اكيد انتبهتي لطول لسانها هههههه ، لكن بيني وبينك طيحي الميانه لأني بطبعي متواضع ، والله شاهد اني اعتبرك اختي الي ماولدتها امي !
رندا : كلك ذووووق اخــ ..... اقصد مازن ...
ابتسم مازن وكمل : اوووك تعالي شوفي >> وفتح باب الغرفه .
جات جمبه وشافت الغرفه وانبهرررررت وقالت : ماشاء الله تبارك الله غرفتك روعه !!!
مازن : هذه غرفتك انتي مو غرفتي ..
رندا : الله ؟؟؟ ما اصدق !!!! كل هذه غرفتي انا ؟؟؟؟؟؟؟؟؟؟؟؟؟؟؟
كانت غرفه روعه ،، واسعه وتشرح القلب ،، مأثثه من وإلى ، فيها كل شيء ، وفيها بلكونه تطل على المسبح الخارجي والحديقه المليانه شجر وورد . والحلو بهالغرفه انها نظام الجناح وشرفتها تطل على الجزء الي فيه الشلال الي بالحديقه ...
مازن : عرفت انك تحبين تكتبين فاخترتلك الغرفه هذه ، لو مسكتي مذكراتك ومع كاسه شاهي وجلسه على البلكونه هنا بتبدعي بالكتابه ، وبعدها راح تعطيني اقرى صح ؟ ههههههه .
خجلت رندا من كرمه ( مشكوووور ماتقصر جزاك الله خير )
دخل مازن جوة الغرفه وفتح باب ع الجنب وهو يقول لها : اوووك تعالي اوريك الحمام .
دخلت وفتح لها باب الحمام ، ما اروع من الغرفه إلا الحماااام ، الحمام لحاله احلى من بيت اهلها بكبره !!
قالت في نفسها بسخريه : صدق ابوي ماعنده سالفه خايف ع الخردوات الي عنده ؟ بيتنا ولا ع القرابيع الي اسمه متجر والي حارم وفاء من الزواج بسببها ، خله يجي ويشوف العز الي ينخاف عليه صدق !!! من جد ابوي يفشل ...
فاقت من شرودها على مازن وهو يقول ( الظاهر ماعجبك الحمام )
رندا : لالا اعوذبالله ، صراحه روعه الغرفه والحمام يجننون ، راح ارتاح نفسيا وانا هنا بعد كل الي مريت فيه .
قال لها مازن يبي يفرحها : معانا بتنسين كل همومك ان شاء الله ، زوجتي صح ناشفه لكن مع الوقت تكتشفين ان قلبها طيب ومرحه لأبعد حد !! حتى امي ، هي عصبيه شوي وماتتحمل بس انتي طنشيهم وهم يوم يومين ثلاث بالكثير وراح يتقبلونك !
رندا : ما اظن !!!
مازن : ايش فيك رندا انا اخبر فيهم ، صدقيني بيحبونك مثل مايحبون باقي الخدامات سميره وعايشه وهدى ،، والله يعاملونهم بلي يرضي الله
رندا : الله يجيب الي فيه الخير ..
- يله اتركك الحين خذي شور ونامي وبكره الساعه 9 تلقين شيرين بالمطبخ روحي لها واتعرفي عليها تراها دمها عسل وخبريها انك المسؤوله عن شوق وحنين وهي تقول لك وش تسوين كل يوم !!
رندا : ابشر...
مازن : تصبحين على خير .
رندا : وانت من اهله ..
=======
بسمه : يمه والله مني بمرتاحه لجيه هالبنت احس راح تجر وراها مشاكل كثيره !!
ام مازن : ماتقدر يابنتي وش فيك ، باين من وجهها انها مسكينه وعلى باب الله !
بسمه : يمه هذول الناس الي تحسبيهم مساكين هم الي يطلع وراهم النون ومايسطرون .. وبكره تقولين بسمه قالت !
ام مازن : ياويلي لاتخرعيني يابنت ، ان شاء الله مافيه الا كل خير !!
بهاللحظه طل مازن وناظر فيهم ثنتينهم شوي ، وبعدين قال لأمه : يمه ابي انام توصين على شيء ؟؟
- لا سلامتك ياولدي الله يحرسك !!
- تصبحين على خير ...
- وانت من اهله !!!
ومن يوم قلب ظهره عصبت بسمه وقالت : شفتي يمه ؟؟ شفتي ؟؟؟؟ من اولها شوفي شلون عاملني ، شفتيه قال لك انتي تصبحي على خير وانا ولاعبرني حتى !!
ام مازن : روحي شوفي وش السالفه يمكن ماعجبته طريقتك في الكلام معها قدامه ، حس انك رفضتي بادرته !
- انا بروح اشوف سالفته !!!
وقامت وهي معصبه ودخلت الغرفه حصلته يلبس بيجامته ...
- وش فيك تجاهلتني ؟؟ هذه مهي بعوايدك !!
- اقوووووول مافيني للنقارك ،، تعبان وابي انام !
- نام ياحبي نام ، لكن لاتنسى شكلك وشلون تجاهلتني قدام امي !!
- مثل ماتجاهلتيني قدام رندا ، كلمتيها بإحتقار ولا كأني موجود ، ما احترمتيني بوجودها ؟
- ياويلي ياويلي ؟؟ من اولها بتسوي زعله معي عشان بنت الشوارع ذي ؟؟؟
- لاحول ولاقوة الا بالله ... اقول تصبحين على خير
ظلت بسمه متسمره مكانها والغضب عاميها ،، وقالت بنفسها : هين يارندا بكره تشوفي شغلك معي ، يصير خير .. ماكون بنت ابوي لو ماطفشتها من البيت ....
======
وفاء الأيام هذه عايشه احلى ايام حياتها مع يوسف ، كانت وكأنها بحلم ، يصبحها على ورد ويمسيها على ورد ، كل يوم يتعشون بمكان ، ماكانت مصدقه بالفعل الي تعيشه !!!
مسك يدها وباسها وجلس جمبها وقال :
يوسف : اليوم وين تبينا نتعشى ؟!
وفاء : لا يوسف اليوم نبي نتعشى هنا في البيت ، طفشت شهر كامل ماتعشينا ولا يوم واحد هنا
يوسف : بكيفك حبيبتي ،،
ومسك الريموت وفتح فيلم رومانسي ! وبسرعه قال : فوفو والله هالفيلم احبه !!! الله كأنهم يقرون افكاري !
وبهاللحظات دق الباب !
وفاء : ثواني اشوف من الي يدق !
فعلا راحت وفاء وفتحت الباب ، الي كانت واقفه ع الباب جارتها في نفس العماره !
- السلام عليكم ،، انتم الجيران العرسااان صح ؟؟؟
- وعليكم السلام والرحمه ، ايه احنا ، بغيتي شيء !
- لالا بس حبيت ابارك لكم ، ألف ألف مبروووك ولو تحتاجوون شيء انا بالشوفه شوفيني ساكنه بهالشقه - واشرت ع الشقه الي قبالها تماما -
- ايه ايه عرفت ، ماتقصري اختي .
- يله تصبحون على خير وآسفه صرت لكم عزووول شوي ههههه
ابتسمت لها وفاء وقالت لها : وانتي من اهله !!!
( ياسمين ) هذه ارمله وساكنه بنفس العماره الي سكنوا فيها وفاء ويوسف ، عندها 3 اولاد صبيان وبنت ووحيده وتشتغل معلمه ومايعيل اولادها الا هي !
رجعت وفاء جنب يوسف وقالت بإنزعاج :هذه حرمه تقول انها جارتنا بس حسيتها متطفله وماعندها سالفه !
يوسف : صحيح خربت جونا هههههه
رومنسيه وفاء ويوسف مالها شبيه .... تابعونا في البارت القااادم