ومن مصااادر مازن القويه عرف ان رندا ماتزوجت اصلا ، وانها بنت تاجر معروف في مدينه بعيده ، وهاربة من عندهم لسبب مجهول ومقدمين تعميمات لها في اكثر من مخفر شرطة والي مقدم على هالتعميم ولد عمها الي كان خطيبها !!!
بقي في مكانه شارد بفكره ومصدووووم منها ، معقوووووول انا حاط عندي في المستشفى بلوى مثل هذه وساكت!!! لا وتكذب عليا بكل وقاحه رغم اني وقفت معها بكل صدق !!
وبسرعه قام من مكتبه وهو غضبااان وتوجه على الغرفه الي تنام فيها رندا .
اقتحم الغرفه بدون استئذان وكل الغضب وااااضح في وجهه ، رندا انكمشت في مكانها والممرضه عصبت من طريقه دخوله للغرفه وقالت له بلهجة شديدة : خرعتني دكتور جالسه اقيس ضغطهاا !! انت ماعلمتنا كذاا ندخل على المرضى كذا ؟؟؟
قاطعها مازن وهو يصرخ : بسرعه خلصي الي في يدك واخرجي ابي المريضه بموضوع ضروري !!
ردت الممرضه بخوف : حالا ...
وخلصت شغلها وخرجت ، وبحركه انفعاليه مليانه بالغضب اخذ الكرسي القريب وحطه جنب السرير تماما وهو في قمه غضبه .
قال لها : كذبتي علي يا اخت رندا !! انا عرفت حقيقتك ، هالحمل مو من زوااج >>> قالها بصوت عاالي!!
بكت رندا وهي تقول له : ارجوووووك قصر صوتك بتفضحني !!!
- وعمرك 19 سنه مو 25 واسمك رندا سليمان احمد مو مو رندا خالد ،، حتى صوره هويتك عندي ، كشفتك يا عديمه الشرف والأخلاق !!
بكت رندا بكل قوتها من هالكلام الجارح وتابع هو بقسوة : قولي بسرعه من هالحقير الي غلطتي معاه ، يله تكلمي !!وبعدها بنفسي بسلمكم للشرطه ، لأني اكره واحارب اي ناس من اشكالكم !!!
رندا : والله العظيم اني بريئة وشريفه ........
>> قاطعها بشرااااااسه : تبكين ؟؟؟ وين دموعك يوم سويتي سواتك ؟؟؟ وين شرفك راح ؟؟ همكم يالشباب والبنات بس تقضوون شهواتكم لكن وش هي العواقب ماتهتمووون الا لا طاحت الفاس بالراس ، لكن راح اوريك ،، ابسود عيشتك وبتشوفين ، مثل ماضحكتي علي وخليتيني أحتضن وحده مثلك بالمستشفى حقي برد لك الطعنه بصفعه قويه تهزك وتعلمك الأدب طول عمرك ...
وقام من مكانه بسرعه وصرخت فيه : تكفى لاتخبر الشرطه عني !! اسمعني بس منت خسران شيء !!!
قال لها بحزم ممزوج بالغضب : كلمي الشرطه هي الي بتتفهم مشكلتك وتحلها ، وبعد ما اسلمك للشرطه راح اخبر اهلك اني انا الي حصلتك و راح يكون انتهى دوري وكثر ألف خيري عالجتك بمستشفتي ببلاش !!
بوقتها قامت رندا من سريرها والمغذي بيدها تبي تلحقه وتمنعه لكنها طاحت بعنف على الأرض !
انهار كل غضب مازن وتحول كل الحقد الى حزن وتعاطف يوم شافها طاحت بهالطريقه ،، حس نفسه كان قاسي جدا عليها ، ووضعها الصحي مايسمح بالعقاب مهما كانت مظلومه او ظالمه !
رجع وساعدها لين قامت ورجعها سريرها من جديد ،، وبعدها جلس وهو يمسح بوجهه الأحمر من شده الغضب وصار يقول لنفسه : اعوذبالله من ابليس ،، اعوذبالله من ابليس !!!
فجأه صارت رندا تبكي بحرقه وهي تصرخ : والله انا بريئة والله شاهد اني بريئة!!
سألها بإحتقار وهو يطالع الأرض : وشلون بريئة انتي اجهضتي توك ، شلون جا الطفل في بطنك ؟؟ من الهووا ؟؟؟؟؟
صرخت بكل قوتها : من اغتصااااااااااااااااااااب !!!
سااااااااااااادت لحظه صمت وذهول يوم قالت ( اغتصاب ) سكت مازن الي كان بركان من الغضب .. وماعرف وش يرد !!
لأول مره يحس نفسه ظالم ! كيف ماجا في باله هالشيء وهو مو من عوايده يحكم بسرعه على الناس !! وش سوت فيه هالبنت ؟؟؟؟
قال لنفسه : ياربي استغفر الله ليش ماجا في بالي ان ناس مظلومه ورى هالقصص !! لاحول ولاقوة الا بالله ، بعض الأحيان اتسرع بالحكم وبعدها اندم ، سامحني يارب !
حضن وجهه وهو يتنفس بقوة يبي يطلع كل التوتر اللي داخله ، وشرب كاس المويه وقال بصوت واضح : اعوذبالله منك ياابليس ،، اعوذبالله منك يا ابليس !!
ناظر فيها وهو حزين على حالها وعينه مكسورة وخجلان منها ...... وقال لها : اختي رندا ،، اعتبريني مثل اخوك الكبير ، وقوليلي وش الموضوع بالكامل وانا اوعدك اني اطلع الحقير من تحت الأرض واذبحه تحت رجولك ! واجبره يتزوجك ويستر عليك .. بس خبريني ، ماني مصدق الحاله الي لقيتك عليها !! لازم نلاقيه ويدفع الثمن...
وبوجه مليان دموع ناظرت فيه وقالت له : اوووك راح اخبرك بكل الي صار معي لكن اوعدني ما تخبر عني الشرطه او اهلي ، والله ابوي مايتفاهم وبيقتلني فورا !
- اوووكي اوعدك اختي ،، يله سمعيني !!
=======
خلاص وصل المأذون الي كانت وفاء وامها منتظرينه ومعاهم يوسف !
وملك يوسف على وفاء وشهود هالزواج اثنين من اصدقاء يوسف
كانت الدنيا ماتوسع وفاء من فرحتها ، اخيرا ... أخيرا تزوجت الشاب الي حبته بكل جوارحها ، اخيرا هربت من شبح العنوسه ، وبحول الله راح تصير ام لأطفال!
ناظرت امها في وجهها وقالت لها بسعاده : ادفع كل عمري بس ما احد يكدر عليك سعادتك .. >> وتبوس وفاء راسها : ربي مايحرمني منك يا اغلى ام في الدنيا !
ناظرت في يوسف وقالت له : يوسف ياوليدي انا الحين سويت مخاطره كبيره ! انا اعطيتك فرحتي الأولى وبنتي الكبيره والوحيده ، بعد اختفاء رندا معاد لي بالدنيا سند بعد الله الا هي ! تكفى حطها في عيونك ولا تخذلني !!
يوسف : افا عليك ياعمتي معقول بعد كل شيء سويتوه اخذلكم !! لاتحاتين ! وربي يجمعك برندا عن قريب ...
ام وفاء : الحين هي بترجع معي البيت وبنتصرف طبيعي ، بتلم باقي اغراضها وبعدها الله يستر عليكم ويسعدكم !!
======
عرف مازن بكل قصه رندا الحزينه والبائسه ، وحن لها قلبه كثير ، ( لاحول ولا قوة الا بالله !! كل الي هي فيه من ابوها الطاغيه ) قال كذا بينه وبين نفسه !
مازن : والحين محد يعرف فين سعود صح ؟؟؟
رندا : من الأساس محد في اهلي يعرف ليش انا هربت ! خفت على امي واختي اذا خبرتهم بشيء يقتلهم ابوي !! ابوي عصبي ومايخاف الله ، والي سواه في سعود دليل على قلبه الميت والمعمي بحب المال ...
مازن : المهم الحين وين بتروحين ؟؟
رندا : ما ادري ،، ما ادري >> ودخلت في موجه بكااااء مر !!
مازن : ماعليك اختي لاتبكين !! انا الحين اباخذك معي بيتي ، ابيك تفهمين امي وزوجتي انك جايه حاضنة لبناتي ، منها اصرف لك راتب ومنها يكون لك مكان تنامين فيه ،، وش قلتي !!
اخذت رندا يده بكل قوتها تبي تبوسها لكنه سحبها بسرعه وقالت له وهي تبكي : جزاك الله خير ، انت بكذا سترتني من الشوارع ، الله يجزاك الجنه يارب
مازن : اجمعين اختي ، الحين اخلي الممرضه تعطيك ابره مهدئه تنامين وترتاحين وبعدين لا اصبح الصبح يحلها الحلال ، يله تصبحين على خير !
رندا : وانت من اهله ، شكرا لك !! معروفك مابنساه طول عمري ...
ابتسم لها بشفقه وخرج من الغرفه .
فكرت رندا بحالها لوين صار ، تذكرت سعيد ، اللي ماغاب ولا لحظه وحده عن بالها !
- حسبي الله على اللي فرقناااا ، وينك ياسعيد تجي تشووف حالي لوين صار !! انا تعيسه جدا ، اخرتي اشتغل من بيت لبيت ، ولناس يبون يكسبون الأجر فيني !! كل ذا عشان لا اطيح في مشنقه ابوي ، اااااه لو مادخل سعود حياتنا ، الله الحسيب عليك ياسعود وين ماوليت وجهك !
======
في اليوم الثاني صحت ام وفاء على انفجااااار صوت زوجها سليمان الي قرى رساله كتبتها وفاء له !! هالشيء قهر امها ! لييش تكتب رساله الله يسامحها لو خلت الغموض حولها مثل رندا كان افضل لنا ولها !!
طل هذاك الوجه المتوحش عليها وهو يرمي عليها الورقه ويقول بصراخ وعصبيه : شوفي بنتك الثانيه لحقت اللي قبلها ،،،،، شوووفي بنتك المحترمه الجامعيه وش سوووت ،،،،،، شووووفي الثانيه فضحتنا زي الأولى !!!!
اتظاهرت انها ماتدري عن شيء : وش السالفه اي فضيحه الي تتكلم عنها ؟ وين وفاااء ؟؟؟؟
سليمان : وين وفاء هااا ؟؟؟؟ تستهبلين على راسي ؟؟؟ والله اقص يدي من الكتف لو ماكنتي انتي المدبره لكل الي سوته ؟؟ قال ايش ؟؟؟ تزوجت !! والله ونذرن علي ان شفتها لأذبحها بأرضهااا وبتشوفين ، وبيجي هاليوم وتبكين عليها ،
يسووويها والله ،، سليمان ان توعد لأحد ومانفذ هالوعيد يعتبر نفسه مهو كفوووو ، اصفر وجه ام وفاء وصارت تقووول : الله يسترك يابنتي وين مارحتي ، انتي ورندا ربي يحرسكم من كل شر ويكفيكم شر ابوكم والناااس !!
======
بهاللحظات كانت وفاء في قمه سعادتها ،، كانت بالمدينه الثانيه الي نقل زوجها شغله عليه ، وكانت تتفرج الشقه الي شراها ،
وفاء : الله يايوسف ، هذه هي مملكتي انا وانت ، الي طول عمري اتمناها !! تجنن !! انا اعشق الديكورات العصريه ،، انا سعيده ياعمري 
يوسف : وانا بعد من يوم شفتك وانا انتظر هاللحظه يافوفو ، الحمدلله انتي اليوم لي ، صحيح انا وانتي انحرمنا من الزفه والحفله والطقطقه والفستان الأبيض والتورته الطويله والمعازيم الكثار ، لكن كل هذا يهووون عندي يوم اشوفك كل صبح ومسا قداامي ! الله لايحرمني منك يالغلا ..
خجلت وفاء وقالت : ولا يحرمني منك بعد ويجعلك لي ذخر وسند طول حياتي ..
يوسف : اقووول مانبي نضيع وقت ، وش رايك نخرج نتغدى غدا رومانسي ، على الشموع والموسيقى الهاديه ؟؟؟ اكيد هالعرض مابترفضينه !
وفاء : ما اقدر ارفضه ،، تدري ليه ؟؟؟ لأني بتغدى مع اغلى انسان لأول مره بعد زواجنا !
يوسف : فديتك والله الله لايخليني منك ،، يله البسي احلى ماعندك وانا بجهز السياره !
======
خرجت رندا من المستشفى برفقه الدكتور مازن وقرر مثل ما اتفق معها ياخذها على بيته .
فتحت له الخادمه باب القصر الكبير ودخل وناظر وراه على رندا وقال لها : حياك ادخلي وش فيك .
كانت رندا مندهشة من هالقصر الكبير والفخم بكل قطعه فيه ، سرحت بعالمها الأول ، عالم ابوها وبخله وتدميره لحياه اختها كله عشان شويه قروش معه فاتح فيها سوبر ماركت لا راح ولاجا ، الظاهر ثروته ماتجي شيء قدام ثروه مازن واهله ! شوف البيت شلون ، بيت شنووو !! الا قصر فخم ،،، يااااه كأني بحلم ، بعمري ماشفت او دخلت بيت افخم من هالبيت .
مازن : رندا ؟؟؟؟ وش فيك واقفه ؟ ادخلي !!!
رندا : عفوا عفوا ،،
دخلت رندا ومشت وراه وهي تتفرج ع البيت ايش قد روعه وخطير ، كأنه بيت من الأحلام ... ليين وصل مازن على غرفه كانوا يجلسون فيها حرمتين ، يتفرجون تلفزيون ويطقون حنك !!
الأولى كانت امه ، والثانيه زوجته !
مازن : السلام عليكم !!!
امه وزوجته : وعليكم السلام والرحمه !!
زوجته ( اسمها بسمة ) : وش فيك تأخرت مازن مو عوايدك ؟؟؟
مازن : الحقيقه انا جيت وجبت معي ضيفه وهي كانت السبب في تأخيري !!
ناظروا الأم والزوجه على بعض وهم مستغربين ، ناظر مازن في رندا الي كانت تستنى برة وقال لها : حياك اختي رندا ، تعالي اعرفك على امي وزوجتي !
طلت رندا من الباب ووقفت ورى مازن وهي تطل على الأرض وحاسه بالمذلللللللللله !!
ماصدقت بسمه الي تشوفه بعينها ، البنت جميله جدا ، فوق التصور ، ( وش جمع هذه البنت مع زوجي ) اشتعلت نيران داخلها ، وشلون زوجي عرفها وليش جابها البيت ؟
حقدت بسمه من هالموقف وقالت وهي منفعله : مازن من هذه ؟؟ من هذه الي مدخلها بيتي ؟
انصدمت رندا من رده فعلها ، توقعت انها تستقبلها بكرم نفس وطيبه مثل مازن ، خافت كثير منها .
( الظاهر ايام سودة ناطرتك هنا يارندا ،، الله المعين هذه باين عليها ماحبتني من اولها !! يارب سترك )
مازن : بسمه وش فيك عصبتي واكلتيني بقشوري ؟؟ ممكن تنتظرين لين احكيلكم قصتها ، لأني انا جبتها بهالبيت معنا حاضنة ومسؤوله عن بناتي وتشوف طلباتهن !!
مازن عنده من بسمه بنتين الأولى اسمها شوق وعمرها 10 سنين والثانيه اسمها حنين وعمرها 7 سنين وبسمه صار لها فتره تدور لهم مربيه او حاضنه تهتم بأمورهم !
ام مازن : كذا قررت تجيبها بدون ماتستشيرنا ؟؟؟
مازن : يايمه انتي قلبك كبير ويوسع الكل ،، بس انتي اسمعيني ممكن !!!
ام مازن : تفضل ياوليدي
من اولها الإستقبال صفر ومايطمن .... ياترى وش الي منتظر رنده في هالبيت ؟؟؟؟؟ راح تعرفون في البارتات القادمة ....