رجعت وفاء وزوجها البيت وهم مايدرون وش الي تركوه وراهم .
ولا كانت وفاء تدري ان اختها الي بتتجنن وتشوفها كانت معاها بنفس المطعم ، مرسوله تشتري للناس الي عايشه معاهم !
وصلت وفاء وزوجها ببيتهم
وبسيـب العماره كانت جارتها ام حسام الأرمله واقفه عند الباب تنظف قدام شقتها ،، شافتهم وابتسمت لهم : ياهلا ياهلا ياهلا والله بالعرسااان ، اخيرا شرفتوا ؟؟؟ وش شهر العسل هذا الي مستمر حتى بالدوام هههههه
يوسف : هههههه ،، حلوة شهر عسل بالدوام جد جبتيها ع الجرح ...!
وفاء : لسانها طويل يمه منها عياااااااره مايفوتها شيء هههههههه .
ام حسام : بكره عصافير العشق راح يتعشون عندي صح ؟؟؟؟
وفاء : اممممممممممممم ،، طيب نفكر ونرد لك خبر ولا يهمك .
ام حسام : ضروري بكره لأن اختي جايتني ومتحمسه مره اعرفها ع جيراني الجدد .
يوسف : ولا يهمك اختي لاجينا بدري من العمل تعشينا عندك .
ام حسام: حاضر وانا بطبخ لكم المحشي والبيتزا والمكرونات والمعجنات الي يحبها قلبكم .
وفاء : ماتقصري حبيبتي ، يله عن اذنك تعبانين مرررررررره اليوم كان طويل ومتعب .
ام حسام : حاضر لا ااخركم اكثر من كذا ، اشوفكم بكره على خير .
وفاء ويوسف : تصبحين على خير .
======
دخلت وفاء ووراها يوسف ،، كانت اضواء الشقه كلها مقفله ،، ومن يوم يوسف فتح النور لاحظت ان في بطاوله السفره بلالين ع شكل قلوب ومكتوب على وحده فيهم وفاء والثانيه يوسف ووسطهم كرتون كبير مغلف بطريقه روعه .
بسرعه التفتت على زوجها الي كان مبتسم لها بصدق ...
قالت له : انت ماتجوز عن حركاتك يوسف ؟؟؟ خلاص والله تعبت من الفرررحه قلبي بيوووووقف !خف علياااا !!
حضنها يوسف من ظهرها وقال لها : وانا عندي اغلى من دلوعتي فوفو !! يله تعالي نفتحها سوا .
اخذت وفاء الهديه وجلست بالكنبه وجلس يوسف ع حافه الكنبه جنبها وهو يراقب زوجته ورده فعلها ،،، فتحت العلبه ولقت فيها فستان سهره لونه احمر و انيق جدا وناعم جدا بهرها بقوووة ،
وكان تحته علبه انيقه ،، فتحتها ووجدت فيها طقم من الألماس ناااااعم ، سلسال واسوره وخاتم .
ابتسمت بصدق وقالت له : ليش يايوسف ؟؟ والله ماله داعي .
يوسف : وشلون ماله داعي ؟؟؟ الخميس ان شاء الله نبي نطلع في افخم فندق نتعشى ونسهر سهره حلوة مثلك وانتي راح تلبسين لي هاللبس وهالطقم ؟؟؟ لأني اظن انك بتطلعين ملكه جمال العالم فيهم .
وفاء : اوووووه يوسف بس هذا الي تبيه ..بس ولايهمك انا ابلبسه لك واتدلع به واخليك اسعد انساااان في الدنيا مثل ماخليتني اسعد انسانه بالدنيا .
فجأه سكت يوسف وملامحه تغيرت ،،، واستغربت وفاء منه ؟؟؟
وفاء : يوسف ؟؟؟ وش فيك ؟؟؟
يوسف : ولا شيء بس تذكرت هذا النائب النشبه عجلان !! حركته اليوم ماكان لها داعي ..
وفاء : طنشه تلاقيه غيران لأن المدير شاب من عمره ،، يمكن كان متخيل انهم يجيبون شايب زي الي قبله ..
يوسف : الكل يغار مو بس هو ،، من يوم يشوفون مدير صغير يطلعون له مشاكل من كل مكان ،، الفرع السابق وقحين كثر مروا على راسي بس بعدين اعتدلوا ،، واتمنى عجلان يتعدل وان ماتعدل راح افصله واشوف غيره ....
وفاء : الوظايف لو شغلتها الدماء الشابه بصراحه مايجلس ولا عاطل بالبيت ،، مو لازم الشخص يصير عمره 60 او 70 عشان يحيلوه تقاعد ،، ما انكر حقوقهم لكن الشباب صراحه اولى منهم !!
يوسف : محد سمعك ، انا بالواسطه جاتني هالشغله عن طريق استاذ عدنان ، بس اثبتت جدارتي واستمريت ،،
وفاء : وانا بعد توسط لي استاذ عدنان بالوظيفه وهالوظيفه وصلتني لحب عمري بعد ،، الي هو انت ......
ابتسم لها يوسف بصدق ومسح على راسها بحنيه ، وطالع لبعيييد وهو شايل هم عجلان هذا !!! مو مرتاح له ابد ...
مرت لحظه صمت بعد هذا الحديث الجدي وحس يوسف بالملل ،، وقال لها : وفاء وش لنا بهالجدالات الي لاتودي ولاتجيب ، مالنا بغيرنا ههههه ، يله حبيبتي نبي نشوف لنا فيلم رومانسي كذا زي قصتنا وبعدها خلنا نتعشى وننام ورانا دوام
وفاء : اوك يالله ...
========
كانت رندا تبكي بحراره بهذاك المطعم وبالكرسي الي جلست به وفاء ، تبكي بكل قهر ومازن مهو عارف يفهم السالفه من البكاء الطويل ذا ،،
مازن : يابنت الحلال ايش فيه قولي خرعتيني ؟؟؟ صار لك ساعه تبكي والناس قاعده تطالعنا ؟؟ هوني على نفسك وقولي ؟؟؟ ايش صاير ؟؟؟؟ بسمه وش سوت معاك عشان تهججك من البيت وتخليك تبكي كل هالدموع ؟؟؟
حاولت تاخذ نفس بعمق وبعمق وبعمق ،، وتخرج زفير حارق وحار ومملووووء بالهموم !! وشربت كاسه مويه ،،، وسكتت شويه ،،، وعيونها حمرررررره من البكاء .
اخذ مازن من الطاوله منديل واعطاها رندا (( خذي اختي ،، واشربي المويه ومسحي وجهك فيها يقولون الماء يطفي الغضب ))
رندا : انا موب غاضبه اخوي ،، بس موجوعه ،، ومنبوذه ومقهوره ،، ووحيده ومظلومه ،، انا روحي تعاني ،، روحي تعبت ،، وكلي تعبت !!
اتضايق مازن من كلماتها المليانه بالشؤم واليأس ،، حس نفسه مسؤول عن كل هذا .
مازن : من زوجتي صح ؟؟؟
رندا : زوجتك وحده من اسباب كثيره ؟؟؟
مازن : الحين مو اتفقنا تنسين كل الماضي تبعك ؟؟؟ وتفتحين صفحه جديده مع الحياه ؟؟؟؟
رندا : صعب جدا ؟؟ صعب والماضي يلحقني حتى اليوم ..
مازن : ........................ ايش تقصدي ؟؟ ليكووون شفتي سعود او سعيد ؟؟؟؟؟
رندا : لا ، بس اليوم بهالمطعم ،، وبهالطاوله ،، وبهالكرسي الي انا اجلس فيه ،، شفت اختي وفاء !! اختي وفاء !! اختي الوحيده كانت هنا ؟؟ ايه كااااانت هنا مع خطيبها الي شكله صاااار زوجها ....
كبررررت عيون مازن من الصدمه ،، واستغرب ،، حسب معلوماته والي يعرفه ان وفاء في المدينه الي جات منها رندا ،،
مازن : وش جابها هنا ؟؟؟ متأكده انها هي ؟؟؟؟ رندا يمكن انتي مشبهة !!
رندا : والله العظيم وفاء اختي شفتها وشفت خطيبها يوسف معها ، لو كنت مشبهة على وفاء مو معقول بعد اشبه على يوسف بعد !! الإثنين كانوا سوا !!!
مازن : يعني اختك هنا بهالمدينه معنا ؟؟؟
رندا : مدري ،، حاولت الحقهم بس خرجوا بره ، ويوم شفتهم بالسياره كانت قيدها مشت خلاص ،،
مازن : وماحفظتي رقم اللوحه !!
رندا : ما لحقت ،، ركضت ورا السياره لين تعبت وما انتبهووولي ،، ومن كثر الدمووع ماميزت الرقم ،، انهرت بنص الطريق وجا واحد بسيارته شالني معه وجابني عند المستشفى حقكم !!
مازن : طيب رندا ،، ولا يهمك انا راح اجيب لك معلومات عن اختك وفاء ،، وعن زوجها لكن اصبري شوي .. ولا تبكين اوووووك مابي اشوف دمعه وحده ...
حاولت رندا تمنع نفسها من البكا بس ماقدرت توقفها وكمل مازن بحززم : والله اشوفك تبكين بعد كذااا ما اجيب رقمها وراح انسى كل اللي قلتيه جد ماني ناقص نكد .. نكد بسمة كاااافي علي .
ابتسمت رندا بوسط الدموع الكثيره ،، وتلقائيا ابتسم مازن وراها ،، حس بالسعاده ،، وقال لها : ايه هذا الوجه الحسن !! هذا الوجه الي يحمس ،، مو وجهك اول وانتي تبكين تقولين جني !!!
- هههههههههه ،، جني عاد ؟؟؟ الله يسامحك !!
مازن : ايه حتى الجني يصير احلى منك ، تراك وانتي تبكين تخرعي ،، وجهك يصير بششششع ،، جمالك كله يختفي (( قال هالكلام ليكرهها بالبكا وهي طبعا ماهي مثل ماوصف ))
رندا : ابشر اخوي مازن احاول ما ابكي بعد كذا !!
مازن : كل ماحسيتي نفسك متضايقه لاتبكين ... روحي توضي وافرشي سجادتك وصلي ركعتين ،، واشكي لربك كل شيء تبين تقولينه ،، كنك تكلمين شخص تفضفضين له ، وربي راح يفرجها عليك !!
رندا : ....... جزاك الله ألف خير اخوي مازن ،، لازم نرجع البيت تأخرت مره ، بسمه ارسلتني من العصر والحين نحن بالعشاء ؟؟؟ ماترضالي البهذله صح ؟؟؟
مازن : لا ما ارضالك طبعا لكن اول شيء نبي نتعشى ،،، (( اخذ المنيو وناولها )) اليوم نبي نتعشى على ذوقك .. يوم نرجع البيت خلنا نقول لبسمه امممممم .. ان المطعم كان جدا مزدحم وبالقووة فضولك العمال يعبون لك طلبك .. اوووك؟؟؟
رندا بقلق : لا ماينفع تأخرت بسمه قالت تبي عشا وصار لي الحين نصف ساعه بره البيت والمطعم قريب اكيد بتشك !!
مازن : ماعليك قولي زحمه او شيء ، يله ابذوقك الكباب الي يسوونه تراه خياااال
سكتت رندا وهي مغصوبه ع هالعزيمه وحاسه بقلق حيال التأخير الي تأخرته ، الله يستر بس ...
=======
وبالفعل كانت بسمه بالصاله متوتره وحاطه رجل على رجل وتهز وحده فيهم بكل قوتها لتضيع التوتر !! وكل دقيقتين تطالع بالساعه !!
ومرت ام زوجها وشافتها ع ذا الحال : يالطيف ؟؟؟ وش فيك كذا زي حراس الأمن جالسه عند الباب وتناقزين برجلك ؟؟؟ شكلك يخرع وش صاير ؟؟
صرخت بسمه : الزفته رندا !!! تخيلي ارسلتها المطعم تجيب اكل وللحين ماجات ؟؟؟ صار لها ساعه بره والمطعم قريب هنا .
ام مازن : تلاقيها هربت منك ههههههه
بسمه : لاحس ولا خبر ومازن راح يظن اني طردتها ، ودي تمشي والله بس مو تختفي كذا ،، ابي مازن نفسه الي يمشيها عشان لاتتوتر علاقتنا اكثر من كذا !!
ام مازن : طيب ارسلي السواق يروح يسأل عنها بالمطعم !!
بسمه : مابرسل السواق ،، انا بنفسي ابروح المطعم وافهم منهم وينها !! السواق مايفهم مزبوط ويطفشني ،، عشان لو كان هربت نرقع السالفه عند مازن .
ام مازن : طيب يالله وبسرعه لأن بعد ساعه حزه رجوع مازن من دوامه !
=======
ورندا على نياتها تاكل في امان الله ومازن مثلها ، يتعشون من هالمطعم مايدرون ان في صاعقه راح تهب عليهم ،، وهالصاعقه هي بسمه بنفسها ،،، دخلت المطعم تسأل الجرسون وتوصف له شكلها ...
والجرسون مو متذكرها ،،،
وفي لحظه لمحتها جالسه مع زوجها بنفس الطاوله ياكلون ومو منتبهين لأحد ,
موقف صعب جدا ،، جدا جدا ،، على بسمه نفسها ، وعلى مازن وعلى رندا ،، تيقنت بسمه ان زوجها يحب رندا ، ولو مايحبها ماجلس معها بنفس الطاوله وبنفس المزاج الي هو فيه ، مبتسم ،، وهالإبتسامه سنين ماشافتها !
قالت للنادل وفي غصه كبيره في قلبها : خلاص خلاص روح لقيتها .
وبخطوات ثقيله موت تقدمت منهم ببطء ،، وهي حاقده ودموع الحقد تنزل منها بدون ماتحس ! لمحتها رندا قبل مازن ،، وفوووووووورا توقفت اللقمه في حلقها ، وغصت ووجهها احمرررررر ، حست بكتمه فظيعه .
مازن : رندا ؟؟؟ وش فيك سلامات ؟؟؟ خذي خذي (( ووقف يشربها مويه وهي تشرب وتطالع في بسمه بخووووووف ))
ويكمل مازن : عسى ماشر رندا كأن ملك الموت فوقك ؟؟؟
ويتفاجأ بصوت زوجته من خلفه : ايه تقدر تقول كذا ، يوم تطب عليها حرمه الشخص الي حاطه عينها عليه !!!
التفت وهو مصدوم واعتدل بوقفته : انتي ؟؟؟ وش جابك هنا ؟؟؟
بسمه : قدرك ،، قدرك اني اكشف خيانتك لي مع حقييييييييييييييييره مثل ذي !!
مازن : يابنت الحلال اي خيانه ،، كل اللي في الموضوع اني ................. (( وقاطعته بسمه )) : هاااا .؟؟؟ وش الموضوع ؟؟؟ وش تبي تبررلي هالمره !!
صارت الناس تطالع فيهم ، ومازن محرج بقوة ويحاول يأشرها لتسكت !!
وكلمت بسمه بوقاحه للناس : هذا زوجي ،، شوفوه ياناس هذا هو زوجي ،، وقاعد يخونني مع هالحقيره خرابه البيوت الي جابها من الحريم الي يمسحون احذيه النااااااس ، لأنه يعشقها اخترع لي قصه طويله عريضه لها عشان يقنعني اسكنها في بيتي !!! وشوووفه عينكم ؟؟؟ يتعشووون سوا ؟؟؟ الي يبي يحسن لبنت مسكينه يتعشى معها قولووووولي ؟؟؟
جو رجال الأمن واتجمهر الناس يتفرجوون الفضيحه الي سوتها بسمه ، مسكها مازن بقوة من ذراعها وطالع في رندا : الحقينا بالسياره بسرعه !!
وجر زوجته قدام الناس غصبا عنها هي تصرخ وهو يحاول يسكتها !!
الين في النهااايه انطردوا كلهم من المطعم مازن ورندا وبسمه وقدام جميع الناس .
فضيحه كبيره ومازن دكتور معروف ، انقهر بقوووة من زوجته المجنونه ولكن مضطر يسكت لأن الموقف يدينه فعلا
،، ركبت بسمه بالسياره وصرخ بها : وش هالتصرف السوقي ؟؟؟ ما اعرفك كذا ؟؟؟ اعرفك حرمه ايتيكيت وتعرف الذووق ؟؟؟
طالعت في رندا وقالت بحقد : الي يعرف هالأشكال ينسى الذوق والإيتيكيت بس ما الومها ابد ،، الومك انت الي عطيتها وجه ( ودخلت في موجه بكا قوية )
مازن بصوت عاالي : لاحول ولاقوة الا بالله العلي العظيم ،، هذه الي بتجيب لي الشيب بدري ، انتي الحين مبسوطه ؟؟ بكره الجرايد كلها تكتب بلي سويتيه ،، شرشحتيني قدام الناس !
بسمه ببرود مصطنع وهي تمسح دموعها : انت شرشحت نفسك ولازلت تشرشح نفسك طالما ان هذا الشيء بيننا ( واشرت على رندا )
رندا : اختي انا طلبت منه يجي هالمطعم يشوفه لأني .......
(( بسرعه قاطعها مازن عن قصد لأنه مايبي احد يدري بقصتها )) : رندا خلاص لاتكبري الموضوع انتي مالك صلاح اخ واخته ويتعشون سوا فيها شيء ..؟؟؟
بسمه : بهذه البساطه ؟؟؟؟ لا والله ما افوتها لك واليوم ابوي يعرف كل شيء ،
اتضايق مازن وكره فكره ان ابوها يعرف ، ابوها رجال مقدر ومحترم ومايبيه يتجرجر كل شويه بمشاكلهم
مازن : لاحول ولاقوة الا بالله ، طيب قوليلي وش اسوي وانا جاهز قولي كل الي تبيه !
بسمه : انك تسكن هالثعلبه الي اسمها رندا بالملحق بالحوش ، ومممنوع تخرج من الملحق ابدا ابدا ، حمام فيه مطبخ فيه ، واكلها بيوصلها كل يوم ,ومفتاح الملحق يكون في يدي اناا .
سكت مازن ومد بوزه من القهر ، لكن رندا تابعت : انا موافقه اختي ، وانا من يدك هذه ليدك هذه
بسمه : غصبن عنك مو بكيفك !!!
رندا : عشان تكونين واثقه ان مازن بس بحسبه اخوي الكبير !
صرررررررخت بسمه بقوى : اووووص ماابي اسمع صوتك ولا ابي اسمعك تقولين اسمه على لسااانك ، يارخيصه يابنت الشوارع .
سادت لحظه صمت بالسياره وكان مازن يراقب عيون رندا الحزينه ،، والدموع تنزل منها بغزاره وبدون اي صوت ،
حس بألم داخل ضلوعه وعقد العزم انه بأقرب وقت يدور اختها ويسلم رندا لها !لأنها ماهي محووجة لهالتعذيب هي مهي بناقصه
======
جمعت رندا ملابسها واغراضها ، ودفتر مذكراتها ونزلت بالملحق بالحوش ، كان الملحق عباره عن غرفتين صغار وحمام داخل وحده من الغرف ومطبخ صغير .
الملحق فاضي ، مافيه تلفزيون ولا اي وسيله تسليه ،مافيه غير كومدينا صغيره والفراش القديم الي على الأرض ، الغرفه كلها غباااار وسااااخنة ،،
ياويلي شلون ابقضي ايامي هنا ؟؟؟ الله يفرج همي ان شاء الله ، صبر جميل والله المستعاااااان
هالمره ماراح تخرج من الملحق ابدا ، الا بإذن بسمه ، يعني ايام سوده راح تقابلها ، وهالشيء حط في راس رندا الهروب اليوم قبل بكره ...
(( لازم اقدر اتحصل على اختي وفاء ، ان قابلتها راح ارتاح فعلا ..... ))
وكملت بحرقة : ما اتوقع مازن يتدخل فيني بعد كذا خوفا من زوجته ، يوووووه هالحرمه بتهبل فيني هبال ، الله يصبرني عليها ،والله نار ابوي ارحم من هالنيران الي شعلتها بسمه حولي!!!
ياترى هل ستستمر رندا في هذا الملحق ؟؟؟ واذا استمرت وشلون راح تكون حياتها ، وايضا لو هربت وش راح يواجهها !!! وايش رده فعل مازن في كل الي قاعد يصير بالأنسانه الي تعلق قلبه فيها بدوووووووووون ارادته !!!!