بعد الكرف الي انكرفته رندا بالسطووح اتمت كل الي طلبته بسمه على اكمل وجه .
نزلت من السطوح والعصر قررب ،،، كل هذا وهي تكد وتنظفه لين لمعته ،،، لكن ع الجوع والشمس مثل ماطلبت منها بسمه ،، عشان كذا كان وجهها مصفففففر .
وكان مازن ماشي وشافها وهي نازله من الدرج ...
مازن : رندا ؟؟؟؟ وش كنتي تسوين فوق ؟؟؟؟
رندا : سلامتك طلبت مني المدام اني انظف لكم السطوح والغرف الي فيه .
مازن : وبهالقايله ؟؟؟؟ ليش ماطلعتي بالليل احسن !!! وبعدين ليش وجهك اصفر كذا ؟؟؟ اشتغلتي ع جوعك ؟
فكرت رندا مزبوووووط ،،، خووووووف وقلق لو قالت له وش اللي قالته لها بسمه بالضبط ، وتحاشي للمشاكل قالت له : انا احب اسوي شغلي قبل ما افطر ،، اصلا انا يوم اصحى من النوم ما اشتهي الأكل ...... وبعدين بالليل اخاف لوحدي ،، عندي فوبيا من الظلمه من صغري ههههه .
مازن : اهااااا ، بس مو زين ترهقين نفسك اختي ،، توك طالعه من اجهاض صعب ،، سوي الشغل على مهل اوووك ...
رندا : ابشر بللي يسرك اخوي ،، احاول
مازن : بشروووكي بالجنه ،، يله عن اذنك بروح انام قبل يبدا الدوام المسائي ،،،
رندا : خذ راحتك ...
دخل مازن غرفته وبدل ملابسه وجلس يفكر ،،، قال لنفسه بقهر : اقص يدي لو ماكانت بسمه هي الي قايله لها تنظف بالحر وبالجوع ،،، متأكد ،، لكن رندا تخبي خايفه تتكرر المشكله معي ومع بسمه !!! اااااه مايصير هالإستغلال لازم اشوف حل لرندا ذي!!!
========
مر شهر كاااامل على وفاء وزوجها يوسف وهم في فينيسيا ،، قضوا مع بعض اجمل ايام ممكن يقابلوها ، مهما انوصفت ماراح يلقوولها مسمى
من يوم وصلت وفاء البيت بسرعه اخذت التلفون واتصلت على بنت خالتها حسناء تبي تسألها عن امها،،، لأنها كانت مشتاااااقه لها،،،
حسناء : هلا هلا هلا يالعروووسه ،، كيف ايامك وكيف يوسف ،،،
وفاء : ااااه ياحسنا ما اعرف شلون اوصفلك لكن يوسف طلع اروع من اللي تخيلته الحمدلله ربي عوضني فيه من ابوي القاسي ,
حسناء : الحمدلله ، دوم يارب فرحتلك قسم بالله .
وفاء : المهم بشريني عن امي وش اخبارها وكيفها مع ابوي !؟
حسناء : والله مدري وش اقول لك حبيبتي ، ابوك الظالم ذا تزوج على امك وطلقها وهي الحين عند اهلها والحرمه الجديده في بيتكم ..
انهارت وفاء من هالأخباااار ،، ماتوقعت ابوها يسوي كذا ،، ماتوقعت انها بتكون السبب في طلاق امها ،
وفاء وهي تبكي : واكيد طلقها بعد هروبي مع يوسف صح ؟؟؟؟؟
حسناء : للأسف صح !!! بس تبغي الصراحه ياقلبي ؟؟؟؟؟؟
وفاء : ايش ؟؟؟؟؟
حسناء : امك طايره من الفرح ، وتحمد ربها انها افتكت من ظلم ابوك ،، والله ياوفاء مو معكر على امك الا رندا ،، لأنها ماتدري عنها شيء ، وهي مقررة لو عرفت وين رندا تاخذها وتسافر بعيد عن ابوك بدون مايعرف وينها .
وفاء : من ناحيه انها افتكت من ظلمه ايه افتكت ،، لكن يظل الطلاق خراب بيوت ياحسناء ، بالنسبه لرندا والله حتى انا ادفع عمري واعرف وينها ..
حسناء : الله يجمع شملكم من جديد .
وفاء : امين ياقلبي ولاتنسي لو رحتي لأمي اتصلي علي من عندها ابي اكلمها .
حسناء : ماطلبتي شيء ،،، يله مع السلامه ...
وفاء : مع السلامه !...
=======
رندا المسكيييييينه ،، والي اهلها مايعرفون عنها شيء ،، كان التعامل من بسمه وام زوجها معها يوميا يسووء يوم عن يوم ،،، ومتحمله وساكته لأن مازن يترجاها لاتترك البيت لين يلقى لها حل جذري ....!
كانت بسمه تحرمها من الأكل ،، وكانت تضربها اذا قصرت لو بشويه بشغلها او اذا راحت عليها نومه ،، وكانت تحرض بناتها الأطفال يسبوها ويضربوها وعلمتهم يكرهونها ،، وهي بس ساكته ماترد ،، مثل البكما ،،،
ولكنها من يوم تنفرد بنفسها بغرفتها تبكي بحرااااره .
في ظهر من الظهريااات كانت رندا مشغوله بالكوي ،،، وجات شوق بنت مازن الصغيره الي عمرها 7 سنين وقالت لها : انتي ليش ماتروحي من عندنا ؟؟؟ نحن مانححبك ..؟؟؟
ابتسمت رندا بقهر ،، وش تقول لطفله تسأل كذا ،،، رندا الي تعشق الأطفال كرهت هذول من قله ادبهم ووقاحتهم معها ..
جاوبتها : قريب ان شاء الله راح امشي من هنا ...!
شوق : طيب وين راح تروحي ؟
رندا : ارض الله واسعه ...
شوق : ماما تقول انك ماعندك بيت ولا اهل ولا احد يبغاك !
دخلت بسمه مثل الوحش وجات عند رندا وصرخت عليها : وش كنتي تقولي للبنت ؟؟؟ تكلمي ؟؟؟ تعبين براسها علينا صح ؟؟؟؟
اتفاجأت رندا !!! فعلا كلن يرى الناس بعين طبعه ،،، جاوبتها : سلامتك البنت بتسألني متى بتمشي وانا قلت لها قريب ان شاء الله !
بسمه : يارب تمشين قريب ملينا منك ،، قلبتي حياتنا لهواش وتوتر ولا ماكنا كذا ...!
رندا : جزاك الله خير اختي !..
طالعت بسمه في بنتها وقالت لها : كم مره اقول لك لاتكلميها ولاتطلين في وجهها ها ؟؟؟ هذه مثل الكفار لازم مانعطيها وجه !! مفهوم ؟؟؟؟
بكل براءه قالت لها : ايه مفهوم .... ونظرت لرندا بكل براءة وقالت لأمها : بس ياماما رندا تصلي وتقرا قرآن ليش تقولين عنها كافره ؟؟ والمعلمة قالت ان الكافر هو الي مايصلي ولا يقرا قرآن ...!
اتفاجأت بسمه من الرد القوي وقالت وهي تلملم وجهها : شوق حبيبتي يله من هنا
فعلا احيانا الأطفال يردون احسن من الكبار ،، وبرائتهم وعفويتهم تكون اقوى من اسلحه التجبر والعنصرية الي مستمره عليها بسمة ضد رندا ...
========
كان مازن في المستشفى جالس في مكتبه وسرحاااااان ومغموم !! وجا الدكتور سامي صديق عمره لمكتبه ،، لاحظ حزنه
سامي : مازن وش فيك بعد ؟؟ لاتقول لي بسمه بعد ضايقتك ؟؟؟
اتنهد مازن بعمق وقال وهو متحسر : يا ابني قلبت لي حياتي هواش ومشاكل وانا طبيب والطبيب لو ماكان مركز في شغله ما ينلام الي يسحب منه الرخصه !
سامي : لا عاد مو لهالدرجه ؟؟
مازن : والله العظيم جننتني يا اخي كرهتها وكرهت تكبرها وعجرفتها !!
سامي : وكيف تعامل رندا الحين ؟؟؟؟
رجع مازن بالكرسي المتحرك للخلف وهو محتار قال له : مدري مدري !! رندا ماتتكلم .. وانا مو مطمن لهالسكوت ،، متأكد ان بسمه سودت حياتها وماتبي تتكلم عشان لاتزيد المشاكل ، والمشكله مو فاضي اراقبهم ، واخاف اعين من يراقبهم ويشكوا ..!
سامي : مسكينه هالرندا والله ،، توها 19 وشافت الي ماينشاااف ،، الله يعينها ..
مازن : لو منت عزوبي كنت خليتها تسكن معاك بس مشكله والله ,,
سامي : ياليت بيدي شيء والله كنت ساعدتك ... انا اسف فعلا وربي يعينك على المسؤوليه ذي !!
سادت لحظة صمت ،،، وفجأه قال سامي له : مازن اعترف بلي في قلبك !! فضفضلي انا مثل اخوك ..
مازن : اعترف بشنو ؟؟؟
سامي : اصرارك على بقاء رندا عندكم مو بس لأنك تبي تساعدها وتحميها ؟؟؟؟
مازن : ايش تقصد وضح لي ؟
سامي : الظاهر انك معجب فيها وهالشيء ترى واضح ولا تزعل من الصراحه ......!
هالكلمه جات مثل الصاعقه على مازن ،،
هل جات اللحظه الي لازم يصدق فيها مع نفسه ويعترف بهالشيء ؟؟؟؟
لآن مازن بالفعل يحس بشيء في داخله تجاه رندا ولكنه
صمت مازن ومارد ولا كلمه .... وكمل صديقه : وش مسكتك ليه ماقلت رأيك بكلامي .؟؟؟
مازن : لأن كلامك غلط وابدا ابدا مو في محله ، وانا ما اسوي الي اسويه لرندا الا لوجه الله تعالى ..
سامي : لازم تعترف يا اخي ،، حتى يوم تقول اسمها لونك يتغير ... الاحظ عليك ماصرت تتكلم الا عنها ، وصارت همك ومشكلتها شاغله كل بالك ... انت مو حاس بنفسك لكذا زوجتك حاااااسه ان في شيء غريب ، ولا تلومها هي ماتبي بيتها ينخرب ,,
مازن : تعوذ من ابليس وقفل ع السيره ويله على شغلك ، نحن نضيع وقتنا بالكلام الفاضي .
سامي : ههههههه اوووووووك بس لا تاخذ كلامي على محمل الجد ان كنت ابالغ اوك ؟؟
حضن مازن وجهه المحمررر والملووون وهو يقول بتأفف : شغله لا ع البااااال ولا على الخاطر
=======
كانت عصريه ممتعه الي قضوها يوسف ووفاء في التسووق ،، رجعو البيت بعد ما اتفرفرت روووسهم من اللفلفة 
يوسف : والله رجولي معاد شالتني ياقلبي ،،، اكره التسوق بس لعيونك راح احاول اني احبه ...
وفاء : وش نسوي عاد حبيبتك مدمنه اسواق ،، بس جد والله ،، وش رايك بالملابس والإكسسوارات بهالمول ،، صراحه ابدااااع ...
يوسف : اااه يافوفو ودي والله افضالك العمر كله لكن للأسف عندي خبر مراح يعجبك ..
وفاء : سلامات يوسف خرعتني ؟؟؟
يوسف : لاعاد مولهالدرجه ،،، ( وطالع بعيد وقال بحزم ) : بس بكره اول يوم دوام بعد الإجازة ،، وبالفرع الجديد الي هنا .
وفاء : بس ؟؟؟ هذا هو الخبر ،، والله خرعتني ..
يوسف : وفاء اقول لك شيء بس ماراح تصدقين ؟؟؟؟
وفاء : قول حبيبي ( وهي تقشر الموز )
يوسف : اول مره اكره الدوام ، طول عمري مدمن عمل ،، بس من عرفتك احس عفته وودي اجلس معاك وجنبك وحولك بس
ابتسمت له وفاء ابتسامه ملياااانه حب : ياعمري انت
تابع يوسف : تدرين ؟؟ لو زبط الموضوع بجيبك تشتغلين معي ...
وفاء : هههههههه ؟؟؟ مو قبل الزواج تقول ما ابيك تشتغلي وابيك تتفضين للبيت ولي ؟؟؟؟
يوسف : احس اني مقدر على بعدك ولو كنتي بعيده مراح اركز ،، ابيك قدام عيني بالبيت وبالعمل ؟؟؟
ناظرت وفاء فيه بكل حب وجات حضنت كتوفه وقالت له: ولا انا حبيبي ما اقدر اتحمل بعدك عني ،، احبك بكل قوووتي ؟؟ بس فكرة العمل يبيلها دراسه صح ؟؟؟
يوسف : ولا دراسه ولا شيء بعينك سكرتيرتي وخلاص !! مو احسن من اني اجيب سكرتيرة مزة تسحب عليك الجو هههههه
وفاء : والله قد ماكانت مزة مابتكون احلى مني ، ولا رح تحبها مثل ماتحبني وانا واثقه من هالشيء
يوسف : طبعا وبكل جدية اقولها .. بعمري ماشفت احلى ولا اروع ولا الطف منك ......
وقرر يوسف من يوم يعرف جو العمل الجديد يعين وفاء سكرتيرة معاه ولكن هالشيء يبيله ترتيبات وترقيات واعفاءات لذلك هو قرر ان يكون هالشيء بعد اسبوع من اول يوم دوام ....
========
تعودت رندا ان الساعه 9 هو موعد انتهاء عملها والمفروض شيرين المسؤوله عن المطبخ تجيب لها عشاها ،، وهي بغرفتها حست بالجوع وشرين تأخرت مو عوايدها ،،،
- جيعااااااااانه وشيرين تأخرت ؟؟؟ ياترى وش السالفه ليش ماجابت لي عشاي ؟؟؟؟؟
طبعا بسمه مانعه رندا تدخل المطبخ نهائي ... اي شيء تبيه يجيها من شيرين وبعد الساعه 10 ممنوع تطلب اي اكله او شربه من المطبخ !!! وكل ذا من باب الحقد عليها والغيرة منها والتسلط عليها ....
لبست شالها وبشووووويش فتحت باب غرفتها وراحت للمطبخ ( المطبخ قريب جدا من غرفتها ) ،،يوم قربت شمت روايح الأكل الطيبه والشهيه وحست ان عصافير بطنها تغرررررد !!
رندا : شيرين ؟؟؟؟ وينك ماجبتي لي الأكل .. اليوم بجد انكرفت ولا حطيت بفمي غير كاسه مويه جابتها لي شوق من ورى امها !!!! ابموت جوع وعطش وريحه اكل طيبة.
شيرين : يووووووووه رندا سامحيني والله نسيتك ، كان المفروض اجيب لك عشاك بس والله التهيت لأن بسمه بيجونها صديقاتها الحين ...
نسسست رندا ان اليوم خميس وبالعادة يتجمعون صديقاتها ،، وحست ان بسمه لو مسكتها صاحيه راح تكرفها وتشغلها لين تتعب وهي مافي حيلها ميته جووووع ..
رندا : طيب بليز شيرين اغرفي لي من هالأكل الطيب مره ريحته جنان ... بسرعه اغرفي وجيبيه غرفتي ابهرب قبل تمسكني بسمه ههههههه
شيرين : ماتنلامي ،،، يله اسبقيني والحين الحقك بس اعطيني خمس دقايق !!! بس قوليلي تبي ببسي ولا ميرندا ؟؟؟؟
رندا : لا ببسي ، بس يالله سريع قبل انمسك !!!
ويوم قلبت ظهرها تبي ترجع اتفاجأت ان بسمه وراها بالضبط وقالت لها : تبي ببسي مع العشا ها ؟؟؟؟؟ انتي للحين مانمتي وقاعدة تدوري حاجه لبطنك صح ههههه ...؟؟؟؟
طالعت رندا في الأرض وماردت ولا بكلمه !!!
بسمه : ماشاء الله هذا اللي ناقص بعد !! الأكل الي طابخينه لصاحباتي تبين منه ههههههه وربي انك استخفيتي ..
رندا : وليش يا اختي بسمه ؟؟؟ انا ماكفرت ولا تعديت على الله ! ولو ماتبيني اكل منه مو لازم عليكم بالعافيه فيه .
بسمه : انا كم مره اقول لك لاترادديني ولاحرف انا اتكلم مثل ما ابغا وانتي تسكتي ؟؟؟؟؟ قوووولي ؟؟؟؟
طالعت رندا في الأرض وهي تحاول تحبس قهرها ،، وتركت مكانها ومشت تبي ترجع غرفتها ,
قبضت بسمه ذراعها بقوه ورجعتها ،، قالت لها : وين وين العزم ؟؟؟
رندا : ........
اشرت بسمه براسها على شيرين : هالأكل الي حطت نفسها فيه كله ارميه بالزباله ، نحن ماناكل اكل منفووس ، اخاف صديقاتي يمرضون ولا بطونهم توجعهم ، انا الحين اوصي المطعم الي جمبنا يجيبون لنا مشاوي ،،
وطالعت في رندا وقالت لها : وانتي الحين انشبي السفرة دام انك صاحية ونشيطة ،، وجيبي من الصحون الكريستال الي شريتهم امس ،،، يله انتظر تحت بسرعه صديقاتي ع جيه لا تفشلينا ، كافي خسرنا هالأكل من ورى شراهتك وحسدك .
طلعت بسمه من المطبخ ووقفت رندا وهي محرجه من الي صار لها قدام شيرين .
طالعت رندا في شيرين وقالت بإستغرااااب : ترمين الأكل هذا كله في الزباله بس لأني اشتهيته ؟؟؟؟ وش هالنفس الشينه الي بسمه تعيش فيها ؟؟؟ صراحه الله يعين زوجها متحملها الضعيف .
شيرين : ماعليه يارندا استحملي هي كذا تعامل الخدم بأول ايامهم بعد كذا تطفش ,
ضحكت رندا بقهر وقالت : الظاهر انها مابتنسى ابدا ،، صار لي 3 شهوووور انهان في بيتها ولا شيء تغير !!! الحمدلله على كل حال ،،، وين الصحون الي تقول عنها ؟؟؟؟
========
نزلت رندا بالصحون وجلست ترصصهم بطاوله السفره وصاحبات بسمه يطالعون فيها وهم مستغربااات ..
وقالت لها وحده فيهم : بسمه ؟؟؟ من ذي اللي ببيتك ؟؟؟؟ وحده قريبتك ؟؟؟
بسمه : تخسى قريبتي !! هالأشكال مايقربون غير لقطاوه الشووااااارع .
ردت الثانيه : اوف اوف لييييش ؟؟؟؟ وانا وربي حسبتها تقرب لك ،،، من هي ؟؟؟ لايكون ضرتك هههههههه ؟
هنا عصصصصبت بسمه الي جابت رندا عشان يتمسخرون عليها واخر شيء تمسخروا عليها هي ،،، صرخت فيهم : وش هالمزح التعبان ؟؟؟ فال الله ولافالكم تزوجون زوجي من خدامتي ؟؟؟
- اوووووف ،، هذه خدامتك ؟؟؟؟ والله ماظنينا ،، بسم الله عليها باينتها بنت نعمه . وجهها مو وجه خدامه الصراحه
- ايه والله مهي باينه خدامه ،،،
خافت رندا من كلامهم الي بيوديها في 60 داهيه مع بسمه الي حاقده عليها بدون شيء وقالت متعمده قدام الحريم لتمتص غضبها وتلملم وجهها : مدام بسمه انا جهزت السفره والحين بنزل الأكل ،، ان شاء الله 10 دقايق ويكون الأكل جاهز
صرررررررررررخت بسمه : وش الي 10 دقايق ؟؟؟ دقيقه وحده وبس ،، والا اليوم بطردك مثل الكلبه ،،، يله !!
- امرك مدام
طلعت رندا فوق وقالوا صاحبات بسمه : حرام عليك ليش تعاملينها كذا ؟؟ نعرفك قاسيه ع الخدم لكن مو تهينيهم ؟؟
بسمه : انا متخوفه منها حيل ،، انا اطفشها من بيتي ،، يابنات هذه عينها على زوجي مازن صدقوني ،،، والا ماتحملت كل الإهانات هذه !! وزوجي مصر اصرار عجييب انها تظل في بيتي يقول انها مهددة بالقتل من ناس ولكذا حاويها في بيتي ، والله مدري وش الدبره انا كرهت حياتي منها
- والله تبين الصراحه ؟؟؟ شكل زوجك يعشقها بس يتظاهر بهالقصه التعبانه حقته .
بسمه : لو اتأكد بس ... مابخليها دقيقه بالبيت لو اني ابلغ الشرطه عنها !!!!
========
رجع مازن من العمل ،، عرف ان بسمه عازمه صديقاتها مثل كل اسبوع ،، وسيييده صعد غرفته ،، وقابل رندا بالدرج وهي حامله صحون الأكل والإيدامات
وقف وطالع فيها وابتسم لها : قوى رندا ؟؟؟؟ اخبارك ؟؟؟
ناظرت رندا في الأرض وقالت بخجل : قوى قوى اخوي مازن !!
مازن : وش اخبارك عساك بخير ؟؟؟ عساك مرتاحه ؟؟ يلزمك شيء تريدي شيء ؟؟؟؟
رندا : لالالالا اخوي يكثر من امثالك ،، عن اذنك ما ابي اتأخر ينتظرون العشا !!!
مازن : ليش انتي وش دخلك ؟؟ وين شيرين مو هي مسؤوله عن المطبخ .؟؟
رندا : بسمه قالت ،،، ( وبسرعه تذكرت انها ممكن تشب مشاكل وتداركت الموقف ) اااااااااه اقصد شيرين قالت انها تحتاجني اساعدها ،، وانا فاضيه ماعندي شيء قلت اساعدها ،
مازن : اها اها ،، اوووك ربي يعطيك العافيه ، لو تبين شيء لايردك الا لسانك اووووك ؟؟؟؟؟
رندا : يجزاك ربي الف خير !!!
مازن : والحين عن اذنك تصبحين على خير ..
رندا : وانت من اهله ,,,
راح مازن لشيرين المطبخ يبي يستفسر ،، دخل وقال لها : شيرين ابسألك ؟؟؟؟؟
شيرين : هلا هلا دكتور ،، آمرني ...؟؟
مازن : مايامر عليك ظالم ؟؟ امممممم ، انتي طلبتي من رندا تساعدك ؟؟؟
شيرين ببراءة : لا والله جات المطبخ جيعانه المسكينه وجلست تشم الأكل صراحه كسرت خاطري ، والا تطب علينا بسمه وتهزأها وطلبت مني ارمي كل الأكل الي اشتهته رندا في الزباله تقول لأنها حطت نفسها فيه وشرشحتها وسمعتها كلام قاسي ، واخر شيء خلتها هي تجهز الطاوله من باب انها تغيظها وتهينها ،،
استغرب مازن من دنائه زوجته وتفكيرها الخايس ، : لاحول ولا قوة الا بالله ، والله بسمه ماطلعت هينه ، قلبها اسود !!!
شيرين : دكتور تكفى لاتقول لبسمه اي شيء قلته لك والله تطردني فورا وانا محتاجه هالوظيفه !!!
مازن : لالا ادري لاتحاتين
شيرين : دكتور ،،، رندا على لحم بطنها من الصبح ،،، انا نسيت اجيب لها عشاها بالغرفه وهالشيء هو الي سبب لها المشكله الحين !!! تكفى دبرها
مازن : بدون اكل وقاعده تشغلها ؟؟؟؟ وش هالحرمه ،، ع العموم انا الحين اتصرف لاتشيلي هم بس حاولي لهي رندا عندك في المطبخ نص ساعه اوووك ؟؟؟؟
شيرين : امرك دكتور !!!
=======
جهزت رندا الطاوله وقالت لبسمه : الأكل يامدام ،، صار جاهز !!
بسمه : يله بنات يله السفره جاهزة حياكم !!!
توجهت رندا للدرجه تبي تطلع فوق ،، نادتها بسمه : وين وين وين ؟؟؟؟ على وين العزم ؟؟؟ ماقلت لك روحي ،،،؟؟
رندا : عفوا ، الساعه الحين 10 ونص لازم انام باكر عشان اصحي البنات عشان يذاكرون !!
بسمه : انتظري هنا لين نخلص عشا وارفعي الباقي ووديه للمطبخ !!
بغت تبكي لكنها قاومت رغبتها بالبكاء وقالت لها : ابشري !!!
اتضايقوا صاحبات بسمه من تصرفاتها الزايده عن اللزوم مع رندا ،، قالت لها وحده فيهم :حرام عليك خافي الله فيها البنت شكلها ضعيفه !!
بسمه : اسكتي وتعشي ساكته ولاتغرك المظاهر ،،، يله بنات انا ميته جوع !!
كل هالتصرفات من بسمه عشان تثبت لها انها مجرد خدامه بالبيت وتحت شورها ، تعبت رجول رندا من الوقفه ، وخلصوا عشا ومشوا الساعه 12 وهي راحت تلم السفره ،،
=======
برأيكم ليش مازن طلب من شيرين تأخر رندا عندها في المطبخ ؟؟؟؟ ياترى في مفاجأه بيحضرها لرندا ولا شلوووون ؟؟؟؟ تابعووووونا