انتهت عمليه سعود ، وكان من المفترض انهم يشيلوا الشاش عن عيونه بعد 6 ساعات ،
الدكتور : خلاص يا اخي الحمدلله على السلامه ، الحين عن اذنك عندي عمليه ثانيه !
سعود : اقدر بهالفتره اخذ لي غفوة ؟
الدكتور : ايه تقدر ، الحين اعطيك ابره مهدئه ..
سعود : خلاص طمن الأخت بسمه ، ان العمليه انتهت !!
الدكتور : ان شاء الله ، عن اذنك !!
اخذو الممرضتين سعود بالسرير المتحرك عشان ينقلونه على غرفه التنويم ، وصادف هاللحظه مرور سامي وتجوله بالمستشفى ، وانصعق بقوووووة يوم شافه !!!
- مو هذا سعوووووووووووووووووووود ؟؟؟؟؟؟؟
بسررررررررررررررعه راح سامي لمكتب مازن ولكنه للأسف كان مازن منصرف لأن دوامه انتهى حيث ان الساعه صارت 10 ودوامه بالعاده ينتهي 9 !!!
==========
دخل مازن البيت وهو متعب نفسيا وجسديا ، دخل سلم على امه وتجاهل بسمه وطلع غرفته !!!
بسمه : لين متى يظل يطنشني كذا ؟؟؟؟ انا الحين بحالي ماسويت له ولا شيء ، يعني ضيقته وزعله من هذيك الخاينه الرخيصه بيجي يطلعها علي كذا !!!
ام مازن الي صبرها نفذ منها : خلااااااااااااااااااص يابسمه اسكتي ، ماتعرفي غير تحطي النكد والإزعاج على من حولك ، خلااااصرندا انتهت ورماها هي وولدها ، حتى بدون مايتأكد ان كان ولده او لا ، كله هذا من ضغوطاتك عليه ، اتركي ولدي لا يهج مثل ماهج المره الأولى ، اركدي وحافظي على بيت بناتك قبل ماتخسريهم !!!
=========
جلس مازن على السرير ويطالع بعيييييييييييييييييييييييييييييد ، صمت مازن يزيد ، وشروده يكثر ، رندا ماتفارق خياله ، واحساسه بتأنيب الضمير يفوق احساسه بالشوق تجاهها !!!
دق عليه سامي بهاللحظه ، ورفع السماعه وهو تعبااان : ها ياسامي وش فيه ، ترى مالي خلق لمشاكل المستشفى حلها انت ؟؟؟؟
سامي : مازن ؟ تعرف من هنا عندنا بالمستشفى ؟؟؟؟؟
مازن : وش فيك سامي خرعتني ؟؟؟ من الي بالمستشفى ؟؟؟؟؟
سامي : الدكتور حامد جراح العيون ، مين تتوقع استضاف بالمستشفى تبعك .؟ وسواله عمليه ...؟؟؟
مازن : مين ؟؟؟؟
سامي : سعود ، سعوووووووووووووووووود !!
وقف مازن وصرخ : قلت مين ؟ هالزباله بالمستشفى عندنا ؟؟ طيب طيب الحين جاي !!!
نزل مازن بسرررررررررعه ، ومر من قدام الجميع مثل الريح بدون مايطالع حوله ، !!
ام مازن : يامازن ؟؟؟؟ انتظر وين رايح ؟؟؟؟
مازن : في شغله مهمه بالمستشفى يمه ، عن اذنك ،
وخرج بسرعه !!!
شكت بسمه انه اكتشف موضوع سعود ، ولكنها كذبت ظنونها وقالت لنفسها : لالا الدكتور حامد حريص !!!
========
وصل مازن سرييييييييييييييييع للمستشفى ، وراح لغرف التنويم يدور الغرفه الي فيها سعود لين لقيه !!!
كان سامي واقف عند راسه ومكتف ذراعينه ويتأمله !!
دخل مازن بسرعه وطالع في وجهه ، واخذ ملفه ولقي مكتوب فيه ( خالد مهدي )
مازن : خالد مهدي ؟؟؟؟؟
ورجع طالع الملف وقلب فيه لين انصدم بقوووووووووووووووة يوم عرف ان الي دفعت له تكاليف العمليه هي زووووووجته وام بناته بسمه !!!
كبررررت عيون مازن من صدمته ، واشر لسامي على الملف وهو يعجز يتكلم اي شيء !!!
سامي : ايه ايه ، انا فهمت كل شيء ، وانتظره يفوق ويقول لنا وش علاقه بسمه بلي سواه في رندا وولدك !!!
نزلت دموع مازن مثل الشلال ، وقال له وهو محبط : يا اخوي والله ما اصدق الي سويته في الإنسانه الي عشقتها ، معقول بعد ما حميتها انا من الظلم ومن الذئااابه اكون في النهايه اسوء من ظلمها ؟؟؟؟؟
سامي : اصبر خله يصحى من نومه !!!
ماتحمل مازن وقام من مكانه وشد سعود من ملابسه وصرخ : قووووم ياكلب قوووم ؟؟؟ والله ما اتركك لين تقول لي كل شيء !! قووووووووووووم !!
بهاللحظه دخل الدكتور حامد ، وانصدم يوم شاف سامي ومازن واقفين حوله !!
امسك مازن بالملف ورفعه وقال له : وش الي قاعد يصير ، انا مو بفاهم اي شيء !!!
الدكتور حامد : مو صاير اي شييء ، مريض من طرف زوجتك ، واكدت علي اليوم اخلص له عمليته ،
تأكد مازن تماما ان بسمه ورا كل شيء صار بينه وبين رندا ، ولكن بعد اييييييييش ، بعد ما رمى رندا وولده ولا يدري وينهم !!!
طالع سامي في دكتور العيون وقال له : طيب متى المفروض يصحى ؟؟
الدكتور حامد : المفروض الحين يقوم ، عن اذنكم بحاول افوقه !!!
========
كان الليل دامس ، الساعه حول الـ 12 صباحا ، نامت رندا ، ونام ولدها ، ونامت الأم ونام ماجد ،
ومابقي غير وفاء الي تفكر كيف تفتح حوارها مع عدنان ، وشلون تروح له بدون مايشوفها احد يعرفها ويخبر ابوها عنها ،
اتصل يوسف بهاللحظه ،،
وفاء : هلا يوسف حبيبي !!!
يوسف : ياهلا وغلا بحبيبتي وبأم بنتي دانة ،
وفاء : ومن قال لك انك انت الي بتسميها ؟؟؟؟
يوسف : الا ابسميها وغصب عليك ،، ههههههه
وفاء بدلال : ما اقدر ارفض لك طلب !! امري لله قلت دانة خلاص دانة !!!
يوسف : انا انتظر الساعات الطويله هذه تعدي على خير واخرج لك ، والله ياوفاء ما راح اخلي همي بالدنيا بعد الله غير حبيبتي زوجتي وبنتي وبس !
وفاء : بكره ان شاء الله بقابل الدكتور عدنان وباخذ منه باقي المبلغ ، وان شاء الله بعدها راح تنور حياتي بطلعتك مره ثانيه !!
يوسف : ااااخ بس متى ... هم قالولي مجرد تحويل باقي المبلغ يوقعون لي على خروجي من السجن !!!
وفاء : بحول الله هالأسبوع بيجتمع شملنا من جديد !!
===========
صحي سعود من نومه وكان جالس والشاش على عينه ومايدري ان مازن وسامي قدامه ينتظرون الدكتور يخلص عشان يفهمون منه كيف خطط مع بسمه لخراب حياته مع حبيبته رندا !!!
انتهى من الشاش وابتعد عنه الدكتور مسافه متر وقال له : الحين تقدر تفتح عيونك وقل لي تشوف بعينك الثانية او لا!!!
فتح سعود عيونه الثنتين ، ويطالع حوله ، واتفاااااااجأ بشده !!!
صرخ سعود بخوف : دكتور ما اشوف شيء !!!
الدكتور حامد : ايه تقصد الحين تشوف المحيط بتشويش ، هذا لأن الشاش طول على عينك !!!
صرخ بصوت اقوى : عيني اليمنى ، عيني الي كنت اشوف فيها !! الحين ما اشوف فيها مثل اليسرى ، وش سووويت فيني انت ....؟؟؟؟؟
انصدم الدكتور وحس بثلج واندلق عليه ، قال له : اخ خالد ؟ انت عينك اليمنى هي المريضه ؟ هذا الي قالته لي الأخت بسمه ؟ وعلى اساس كلامها سويت لك العمليه !!!
للأسف ، حصل خطأ طبي فااااادح والدكتور حامد جراح العيون اخطأ بالعمليه ، بسبب استعجال بسمه ،
صرخ سعود بكل قوته : انا الحين اعمى ما اشووووف ، بسببك ما اشوف ، وبسبب هالمستشفى ما اشووووف << وصار يبكي بهستيريا ، وماسيطروا على الوضع لين عطته الممرضه ابره مهدئه نام بعدها مره ثانيه !!!
كان مازن يطالع في الدكتور مازن نظرات شديده ومليااانه باللوم ،،، قال له : دكتور حامد ، انت التصرف الي تصرفته غلط ، وشلون تسوي عمليه بدون ماتاخذ موافقه مدير المستشفى او حتى على موافقه المساعد الخاص بي سامي ؟؟؟؟
الدكتور حامد : صدقني يا دكتور السيده زوجتك اتصلت وهددتني تفصلني من عملي ، وانا خضعت لرغبتها وسويت هالشخص العمليه !!!
دكتور مازن : الحين ابي منك شغله وحده ، بكره العصر راح تجهز غرفه العمليات وتحاول تصلح هالخطأ الطبي الي سويته ، قبلها راح تاخذ منه تعهد انه الي صار تحت مسؤوليته وبناء على طلبه بعمل العمليه بدون الفحوصات والأشعه ، مفهوم ؟؟؟؟
الدكتور حامد : مفهوم ،
مازن : لولا علمي بكفائتك وشطارتك كنت فنتشتك وطالبت بسحب ترخيص مزاوله الطب منك بس ماعليه ، ضغوطات زوجتي لها دور كبير ، وانا اعرف وشلون اتصرف معها ، والحين تقدر تمشي وموعدنا بكره العصر !!!
الدكتور حامد : مفهوم ، وانا اسف ، عن اذنكم !!!
خرج الدكتور حامد ، واخذ مازن بيد سامي وقال له : تعال المكتب بسرعه !!
سامي : اوكي يله .
دخل مازن المكتب بسرعه وقال له وهو يبكي مثل الأطفال : سامي انت تدري وش معنى الي صار اليوم ، سامي انا ظلمت رندا ، وظلمت ولدي ، ويحرم علي النوم لين ارجعها بيتها هي وولدها واعتذر لها واعوضها وقبلهم بطلق الأفعى بسمه وابحرمها من بناتها واحرق قلبها و .......
سامي : حيلك حيلك وش فيك ، شوي شوي ، لا تسوي اي تصرف بدون ماتفكر فيه ، لاتكرر اغلاطك القديمه وتتسرع !
حضنه سامي وقال له : ماعليه رندا الحين هي وولدها عند امهم ، بكره نروح لمكان سكن وفاء ونسأل صديقتها عن عنوان بيت امها !
مازن : الحين !!!!
سامي : يامازن اركد ، خلك قوي وش فيك مثل الحريم ؟؟؟ وين قوتك وين عزمك ، خلاص عاد !!!!
اخذ مازن كاسه مويه وصار يشرب بنهم وهو يرجف من توتره وانفعاله .
سامي : اول شيء بنسويه انا وانت ننتظر سعود يصحى من النوم ، ونسحب منه كل شيء ، ونسجل كلامه ، لو رفض يعترف بالحقيقه نقول له مالك عمليه عندنا ، نبي نستخدم الخطأ الطبي الي صار لصالحنا ، عشان نسهل على نفسنا الحقيقه ، !!
مازن : ومتى يصحى هالنذل ، والله مو متخيله بالمستشفى عندي وبعدي ساكت !!!
سامي : ماعليه تحمل ، وش بيدنا الحين غير نتحمله !!!
مازن : اوكي ، اليوم بواصل بالمستشفى ، ومابتحرك منه لين اخذ هالتسجيل وارميه بوجه بسمه واطلقها وارجعها بيت ابوها ، ويحرم عليها شوفه بناتها طوووول عمرها !